ШШГЕГ-ын харьяа 461 дүгээр ангид амиа алдсан хуульч Л.Бямбааг АТГ-аас Салхитын мөнгөний ордын хэрэгтэй холбогдуулан шалгаж байсан гэх мэдээлэл бий. Хуулийн байгууллагаас тухайн ордыг эзэмшигч болон ашиглагч компанийн хоорондын маргааныг шалгаж байх явцад их хэмжээний авлигын хэрэг илэрсэн байна. Уг хэрэгт нэр бүхий хүмүүст хээл хахууль өг, авсан байж болзошгүй үндэслэл тогтоогдсон учир АТГ-аас талийгаачийг сэжиглэн баривчилсан аж. Түүнийг баривчлах үед ажлын байр болон гэрт нь нэгжлэг хийж, эд мөрийн баримтыг хураан авсан байна. Ингээд талийгаачийг Эрүүгийн хуулийн 22.4 дүгээр зүйлийн 4 буюу хахууль авах, 22.5-ийн 1-т зааснаар хахуул өгөх гэсэн зүйл заалтаар сэжиглэж, шалгасан байна.

Хуульд зааснаар

22.4 дүгээр зүйл. Хахууль авах

Нийтийн албан тушаалтан хахууль өгөгчийн ашиг сонирхлын үүднээс албаны чиг үүргээ хэрэгжүүлээгүйн хариуд, эсхүл хэрэгжүүлэхгүй байхын тулд, эсхүл гүйцэтгэх ёсгүй үйлдлийг хийсэн, эсхүл хийхийн тулд шууд, эсхүл бусдаар дамжуулан хахууль өгөхийг шаардсан, авсан бол нийтийн албанд томилогдох эрхийг 2-5 жил хүртэл хугацаагаар хасаж, 10-40 нэгжтэй тэнцэх хэмжээний төгрөгөөр торгох, эсхүл 2-8 жил хүртэл хугацаагаар хорих ял шийтгэнэ.

22.5 дугаар зүйл. Хахууль өгөх

1. Өөртөө, бусдад давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан эд зүйл өгсөн, эдийн бус баялаг, тэдгээрийг өмчлөх эрхийг шилжүүлсэн, төлбөргүй, эсхүл хөнгөлөлттэй үйлчилгээ үзүүлсэн, эсхүл эдгээрийг амласан, санал болгосон бол нийтийн албанд томилогдох эрхийг 2-5 жил хүртэл хугацаагаар хасаж 2700-4000 нэгжтэй тэнцэх хэмжээний төгрөгөөр торгох, эсхүл 06-3 жил хүртэл хугацаагаар зорчих эрхийг хязгаарлах, эсхүл 06-3 хүртэл хугацаагаар хорих ял шийтгэнэ гэж заажээ.