Дэлхийн супер од, реппэр, хөгжмийн зохиолч, продюсер Питбуллын гайхамшигт хит дуунууд 2012 оны долдугаар сарын 21-ны өдөр Улаанбаатар хотын Төв цэнгэлдэх хүрээлэнд эгшиглэхээр товлогдоод байсан билээ. Харин өдөр алгасахгүй тоглолттой байгаа учраас тоглолтоо есдүгээр сарын 8-нд болгон хойшлуулаад байсан. Гэвч тэрээр Монголд ирэхгүй болж, хийх тоглолтоо бүрмөсөн цуцалсан байна. Одоогоор ямар шалтгаанаар цуцлагдсан нь тодорхойгүй байгаа аж. Тиймээс түүний тасалбарыг есдүгээр сарын 1-нээс BlueMon Center-т буцаахаар болжээ. Монгол дахь албан ёсны ерөнхий зохион байгуулагчаар "FASHION TV" ажиллаж байсан юм. Питбулл куба-америк гаралтай бөгөөд энэ жил 31 настай. Шакира, Крис Браун, Женифер Лопез зэрэг олон одтой хамтарч дуулсан билээ. Б.Чимэг
