Монгол улсад Авто тээврийн салбар үүсэж хөгжсөний түүхт 100 жилийн ойд зориулсан хүчит бөхийн барилдаанд улсын аварга О.Хангай түрүүлж, улсын арслан Ц.Бямба-Отгон үзүүрлэлээ. Барилдааны их шөвөгт улсын аварга П.Бүрэнтөгс, улсын заан П.Бат-Өлзий нар шалгарав.

Хүй долоон худаг дахь “Монгол наадам” цогцолборт болсон барилдаанд улсын аварга П.Бүрэнтөгс, О.Хангай, улсын арслан Ц.Содномдорж, Ц.Бямба-Отгон, Р.Пүрэвдагва, улсын гарди Б.Гончигдамба, Ө.Бат-Орших, улсын заан Б.Пүрэвсайхан, Н.Жаргалбаяр, Б.Бат-Өлзий, М.Өсөхбааяр, Б.Батмөнх нарын улс, аймгийн алдар цолтой 256 бөх барилдлаа. Мөн барилдааны шагнал өндөр байснаараа уг барилдаан анхаарал татаж байсан юм.

Барилдааны түрүү бөхийг автомашинаар байлсан бол үзүүрлэсэн бөх 30 сая, их шөвөгт үлдсэн бөхийг 10 сая төгрөгөөр шагналаа.