Зуны гурван сар үйл явдал ихтэй болж өнгөрлөө. Сонгуулийн өдрүүд, олимп, наадам гээд үйл явдлаар дүүрэн байв. Сайны хажуугаар саар гэгчээр гэмт хэргийн гаралт ч их байлаа. Монголд төдийгүй дэлхий дахинаа гарсан сэтгэл сэртхийлгэм хэргүүдийг 24tsag.mn нийтэлж байна.
    Зуны гурван сар үйл явдал ихтэй болж өнгөрлөө. Сонгуулийн өдрүүд, олимп, наадам гээд үйл явдлаар дүүрэн байв. Сайны хажуугаар саар гэгчээр гэмт хэргийн гаралт ч их байлаа. Монголд төдийгүй дэлхий дахинаа гарсан сэтгэл сэртхийлгэм хэргүүдийг 24tsag.mn нийтэлж байна.


Өнгөрсөн зургадугаар сарын 17.00 цагийн үед Сонгинохайрхан дүүргийн гуравдугаар хорооны нутаг дэвсгэрт дөрвөн настай хүүг олон удаа хутгалж хөнөөсөн хэрэг гарав. Цагдаагийн байгууллага хэргийг шалгахад түүний төрсөн ах 10 настай хүү ээжийнх нь талх аваарай гээд үлдээсэн 1000 төгрөгөөр дүү нь зайрмаг аваад идчихээр нь уур нь хүрсэндээ хөнөөсөн байлаа.


    Баянзүрх дүүргийн 12 дугаар хорооны нутаг дэвсгэр Сармисны хонхор гэх газарт 52 настай Э-г явж байхад нь амь насыг хохироосон онц ноцтой хэрэг гарсан. Хэргийг цагдаагийн байгууллагын ажилтнууд шалгахад, түүний хүү болох 15 настай М “Аав байнга архи ууж биднийг зовоодог” гэх үндэслэлээр цээжинд нь дөрвөн удаа хутгалан хөнөөсөн байжээ.


    Өнгөрсөн зургадугаар сард Сүхбаатар дүүрэгт 20 дугаар хорооны нутаг дэвсгэрт хамт байшин барьж байсан хүмүүс хоорондоо маргалдаж, улмаар 32 настай Н-ийг 17 настай Ж гэгч нь найман удаа хутгалж хөнөөжээ.


    Өнгөрсөн зургадугаар сард Чингэлтэй дүүргийн 12 дугаар хороонд 15 настай охины хоолойг хэрчин хөнөөсөн хэрэг гарав. Хэргийг түүний хамаатны ах үйлдсэн байдаг. Гэвч тэрээр мөрдөн байцаалтын явцад оргон зугтаж, амиа хорлосон юм.


    Уг хэрэг өнгөрсөн сарын эхээр Хан-Уул дүүргийн нутаг дэвсгэрт гарчээ. Насанд хүрсэн дөрвөн залуу 15 настай охин Б-г нэгнийдээ аваачин хоёр өдөр дараалан хүчиндсэн байна. Хэргийг одоо цагдаагийн байгууллагаас шалгаж байгаа.


Өнгөрсөн долдугаар сарын 21-нд Өвөрхангай аймгийн Арвайхээр суманд нэг нас нэг сартай хүү ухсан жорлонгийн нүхэнд унаж амиа алдсан харамсалтай хэрэг гарсан билээ.


    Хэрэг өчигдөр Баянгол дүүргийн нэгдүгээр хороо, Шастины нэрэмжит III эмнэлгийн баруун талд баригдаж буй барилгын орчим гарав. Тус барилгын бетон зуурмаг шахаж байсан кран осолдсоны улмаас ойролцоох замын гарцаар гарч явсан 10 настай хүүхдийн дээрээс нурж амь насыг нь хохироосон юм. 10 настай хүү хичээлээ тараад ээж, эгч хоёртойгоо зам хөндлөн гарч яваад ийнхүү амиа алдсан юм. Зуурмаг шахагч машины тулгуур газарт цөмөрсний улмаас осол гарсан байна.



    Өнгөрсөн сард Тайландын нэгэн эмэгтэй хоёр хүүхдээ алж, идсэн аймшигтай бас эмгэнэлтэй хэрэг гарсан. Чиан Май дүүргийн иргэн хүүхдүүдийнхээ биеийн эрхтнээс зулгааж идсэн байдалтай унтаж байсан аж. Энэ эмэгтэй 2007 оноос хойш сэтгэцийн эмчилгээ хийлгэж байсан бөгөөд хоёр сарын өмнөөс эмчилгээгээ зогсоосон нь ийм эмгэнэлт байдалт хүргэсэн байна. Тэрбээр цагдаа нарт "би гахайн мах гэж бодсон" хэмээн өчжээ.


    Өнгөрсөн сарын сүүлээр Хятадын Хэбэй мужийн Хандан /Handan/ гэдэг газар эх нь нялх үрээ хөнөөсөн жигшүүр хэрэг гарсан. Ли Минг гэгч 22 настай эмэгтэй өнгөрсөн гуравдугаар сард гэрлэсэн бөгөөд сарын дараа хүүхдээ төрүүлжээ. Хэрэг болсон өдөр эмэгтэйн хадам эгч гэрт нь ирэхэд тэрбээр гал тогооны өрөөндөө дөрвөн сартай хүүгийнхээ баруун хөлийг нь хутгаар тасдаад зогсож байжээ. Түүнийг болиулсан ч аль хэдийн хүүгийн хөл тасарсан байсан аж. Төрөөд дөрөвхөн сар болж байсан нярай хүүхэд хөлийг нь тасалснаас болж их хэмжээний цус алдан нас баржээ. Хятад эмэгтэй энэ үйлдлээ "хүүхдээсээ залхсан" гэж тайлбарласан байна.


    Өнгөрсөн долдугаар сард АНУ-ын Колорадо муж дахь Денвер хотын “Century 16” кино театрт Бэтмен киноны сүүлийн анги нээлтээ хийж, шөнийн тусгай ээлжээр олон хүмүүс үзэхээр очсон байлаа. Харин кино эхлээд хагас цаг өнгөрсний дараа буюу 00:30 цагт хар хувцас, сум нэвтэрдэггүй хантааз болон хорт хийн баг зүүсэн эр кино танхимд орж ирсэн байна. Тэрээр биеэ буугаар өвч зэвсэглэсэн байсан ба гэрчүүд нэг сав газарт унаж, хий гарах чимээ сонсчээ. Энэ нь нулимс асгаруулсан хий байсан аж. Ингээд тэр эр үзэгчдийн суудал руу зогсолтгүй буудсан байна. Энэ аймшигт хэргээс болж 12 хүн нас барж, 58 хүн шархадсан юм. Амиа алдагсдын хамгийн хөгшин нь 51, залуу нь 6 настай охин байжээ.


    Өнгөрсөн долдугаар сарын эхээр Оросын Москва хотын ойролцоо оршдог Долгопрудный хотод 15 давхрын тагтнаас хөвгүүдээ шидэж амь насыг нь хөнөөсөн хэрэг гарав. Галина Рябкова нөхөртөө хаягдсаны улмаас 4,7 настай хүүхдүүдээ 15 давхрын тагтнаас шидэж хөнөөсөн аж.


    Британийн Уэльс-д 15 настай Джошуа Дэвис хүү хуучин найз охиноо яаж хороох талаар Facebook-ээр найзуудтайгаа саналаа солилцжээ. Найзууд нь  хэрэв түүнийг энэ үйлдлээ хийж чадвал үнэгүй хоолонд даахаар мөрийцсөн аж. Ингээд хүү найз охиноо цэвэр агаарт зугаалъя хэмээн дагуулж яваад чулуугаар үхтэл нь балбаж амь насыг нь хөнөөжээ.
   Ингэж найз охиноо алсныхаа дараа хэргийн газар өөрийн найз  залуугаа авчирч үйлдлээ харуулсан байв.


    Өнгөрсөн зургадугаар сард нэгэн энэтхэг эр 3 сартай бяцхан охиноо эмэгтэй болж төрснийх нь төлөө өөрийн гараар хөнөөжээ. Цагдаагийн ажилтнуудын хэлж байгаагаар охины хүзүү хугарсан, бие нь тамхины цогоор түлэгдсэн сорвитой болсон мөн хазсан ором гарсан байжээ.
    Түүний эхнэрийн хэлж байгаагаар охиноо төрүүлснийх нь дараа нөхөр нь өрөөнд нь  орж ирээд "Энэ чинь охин байна шүү дээ, чи яагаад охин төрүүлчихэв ээ?” гэж бухимдан асуужээ. Тэрбээр “Би эрэгтэй хүүхэд хүсч байсан. Эмэгтэй хүүхдийг тэжээж тэтгэх дэндүү их зардалтай” гэжээ. Харин хэд хоногийн дараа нөхөр нь“Би шийдвэрээ гаргачихлаа.  Хуримын зардлыг багаар бодоход л эмэгтэйн талаас 1800 америк доллар гарах болно. Хэрвээ чи хариуцаж чадна гэвэл чи өсгө. Чадахгүй гэвэл одоо алчихъя” гэсэн байна.
    Тухайн үед эхнэр нь чихэндээ ч итгээгүй бөгөөд хэтэрхий их уурласандаа л хэлсэн үг хэмээн бодсон боловч 3 сарын дараа эцэг нь охиныхоо амийг ийнхүү бүрэлгэжээ.