Туркийн Истанбул хотноо Дэлхийн шатрын олимпиад үргэлжлэн явагдаж байна. Манай улсын эрэгтэй баг 150 орноос 56-д, эмэгтэй баг 120 орноос 21-т эрэмбэлэгдсэн.

Өчигдөр тэмцээний зургадугаар өргийн тоглолт болж эрэгтэй баг Афганистаны багийг 4:0, эмэгтэй баг Боливон улсын бүсгүйчүүдийг 4:0-р буулган авсан байна. Долдугаар өрөгт эрэгтэй баг Зимба улсын, эмэгтэй баг Казакстаны шатарчидтай оноолт таарчээ.
Зургаан өргийн дараах байдлаар эмэгтэй баг Туркийн 2-р баг, Англи, Швед, Боливон улсын багийг хожиж, ОХУ, Азербайжаны багт хожигдсон амжилтаар 22-р байрт явна. Харин эрэгтэй шатарчдын хувьд Фижигийн арал, Австрали,  Афганистаны багийг хожиж, АНЭУ-ын багтай тэнцэн, Канад, Молдавын багт хожигдсон амжилтаар 56-р байрт явна. Ийнхүү манай эмэгтэй тамирчид дөрвөн хожилтой болоод байгаа юм.

Ц.Болор