Баянзүрх дүүргийн нийтийн эзэмшлийн талбай зэрлэг ургамалд баригдаад удаж байна. Тиймээс тус дүүргийн Засаг даргын Тамгын газраас нийтийн эзэмшлийн гудамж талбайн зэрлэг ургамлыг өнгөрсөн долоо хоногт устгаж, цэвэрлэжээ. Энэ ажилд дүүргийн 28 хороо, 658 аж ахуйн нэгж, байгууллагыг хамруулсан байна. Цэвэрлэгээнд 3400 гаруй хүн оролцож нийт 61540 ам метр талбайн шарилжийг цэвэрлэж зайлуулжээ. Энэ үеэр сургууль, цэцэрлэгийнхэн орчноо цэвэрлэж 24 машин шарилж тээвэрлэсэн байна.