Сүхбаатар дүүргийн шүүхээс дөрвөн жилийн хорих ял сонссон МАХН-ын дарга Н.Энхбаяр өдгөө сайд нарын гэгдэх Клиникийн хоёрдугаар нэгдсэн эмнэлэгт хэвтэн эмчлүүлж буй. Түүний биеийн байдал муу, баруун хөлөнд нь мэдээ орохгүй байгаа, монголд байхгүй эмгэг туссан хэмээн МАХН-аас мэдэгдэж байсан. Харин түүнийг эмчлэгч эмч нар өнөөдөр 14.00 цагаас зөвлөлдөхөөр болжээ. Зөвлөгөөнийг Клиникийн нэгдсэн хоёрдугаар эмнэлгийн эмч доктор Г.Баясгалан ахлах юм байна. Зөвлөгөөнөөр МАХН-ын дарга Н.Энхбаярын биеийн өнөөгийн байдал, түүний биед хийсэн шинжилгээнүүдийн хариуны талаар хэлэлцэж, оношийг тогтоох аж. Хэрвээ эмчилгээг Монголд хийх боломжгүй бол гадны ямар улсад эмчлүүлэх талаар хэлэлцэх юм байна.