АН-ын зарим гишүүдийн санаачилсан Орон нутгийн сонгуулийн тухай хуулийг  төслийг УИХ-ын чуулганаар хэлэлцэж байна. Уг төсөлд сонгууль өгөөгүй иргэнийг төрийн албан хаагч болгохгүй гэсэн заалт оруулахаар ярьж байгаа. Мөн  Үүнийг МАН-ын УИХ дахь гишүүд ихээхэн эсэргүүцэж байна. Тухайлбал сумдын ИТХ-ын төлөөлөгчийн гуравны нэг хүртэлхийг намын нэрээр сонгох нь намын нөлөөллийг улам бэхжүүлнэ гэж шүүмжиллээ.
  УИХ-ын гишүүн Д.Хаянхярваа “Энэ хуулийг үзээд би гайхаж байна. Олон жил орон нутгийн эрх мэдлийг өргөжүүлье гэж Ерөнхийлөгч ярьж байгаа. Энэ төрийн тэргүүний үгийн хаагуур яваад байна? Чоно борооноор гэгчээр хойгуур нь яриад байгаа юм уу? Тэр аймгийн агентлагийн даргыг сайд нь томилно гэдэг утгагүй. Энэ байдлаараа аймгийн ЗДТГ-ын үйлчлэгчийг сайд нь томилох нь байна. Ийм шинэчлэл гэж байдаггүй юм” гэв. Харин УИХ-ын гишүүн С.Бямбацогт “Олон зүйлээр ухарсан, хойшилсон хууль болох гээд байна. АН-д л ашигтай төслийг оруулж ирлээ. Монгол улсын хуулинд хүн сонгох, соногдох эрхтэй болохоос үүрэгтэй гэж заагаагүй. Мөн Орон нутгийн сонгуульд заавал санал тоолох машин ашиглах хэрэг байна уу? Хэрэв тэгнэ гэвэл өнгөрсөн сонгуулийн будлианыг нэг тийш нь болгох хэрэгтэй” гэв.