УИХ-ын сонгуультай давхцсанаас тоглолтоо хойшлуулаад байсан олноо "Сахал" Пүүжээ хэмээн нэрлэгддэг хөгжмийн зохиолч, СТА Г.Пүрэвдорж анхны бие даасан тоглолт энэ сарын 21-ний баасан гаригт УБ Паласт хийхээр болжээ.

Тоглолтын найруулгыг “On and Off” хариуцан ажиллаж байна. Сүүлийн үөийн тоглолтуудыг амьд хөгжимгүйгээр төсөөлөхийн аргагүй болсон. Иймээс амьд хөгжмийн нэг хамтлаг тоглолтын гол ачааг нуруундаа үүрэхээр болжээ.

Тоглолтонд рок, попын бүх  хамтлаг, дуучин ирж ая дуугаа өргөх юм байна. Хамгийн гол нь энэ тоглолтоороо хөгжмийн зохиолч Г.Пүрэвдорж өөрийгөө ямар хэмжээний уран бүтээлийн сан хөмрөгтэй гэдгээ харуулаад зогсохгүй, ямар зиндааны шилдэг төгөлдөр хуурч гэдгээ дэлгэх болно гэнэ. Учир нь Хөгжим бүжгийг төгссөн олон шавь нар нь Монголын рок поп урлагийг нуруундаа үүрч явааг харахад багшийн хувьд бахархалтай санагддаг биз ээ.