Оросын алдарт рок дуучин, ая зохиогч, хөгжимчин, жүжигчин Виктор Цой агсны 50 насны ой энэ жил тохиож буй билээ. Ази төрх, өвөрмөц хоолойгоороо эрхгүй ялгардаг авьяаслаг дуучны шүтэн бишрэгчид түүний дурсгалыг хүндэтгэж, тоглолт хийхээр төлөвлөжээ. “X Vit” хамтлагийн зохион байгуулж байгаа уг арга хэмжээ маргааш “River sounds” клубт болно. Дурсамж тоглолтын үеэр алдарт дуучны хувийн уран бүтээл болон домогт "Кино” хамтлагийн дуунуудаас сонирхуулах аж. Өнөөдөр 18.00 цагаас болох уг хүндэтгэлийн арга хэмжээний тасалбар өнөө оройноос "River sounds" клубт зарагдаж эхэлнэ. Үний хувьд 10000 төгрөгний үнэтэй юм байна.
Нэрт дуучин Виктор Цой нь Орост рок хөгжмийн эхлэлийг тавьсан төдийгүй 17 настайдаа анхны дуугаа зохиож байжээ. Түүнчлэн Ленинград хотод анхны рок тоглолт хийж тухайн үедээ шуугианы эзнээр тодорч байсан юм. Тэрбээр дуулахаас гадна олон киноны гол дүрд тоглосон авьяаслаг нэгэн. Цой 1990 оны наймдугаар сарын 15-нд автын осолд орж 28-хан настайдаа харамсалтайгаар энэ хорвоог орхисон.