Монголд ийм олон  тусгай зөвшөөрөлтэй  аж ахуйн нэгж байдаг ч тэдгээрээс 45-д нь ҮЭ ажиллаж, барилгачдын эрх ашиг, хөдөлмөрийн аюулгүй ажиллагаанд санаа тавьж байдаг байна. Барилгын талбайд аюулгүй ажиллагааг хангах, талаар барилгын компаниуд хэрхэн анхаардаг тухай  Монголын барилгачдын ҮЭХ-ны дарга Б.Батцогтоос тодруулсан юм.

  Монголд ийм олон  тусгай зөвшөөрөлтэй  аж ахуйн нэгж байдаг ч тэдгээрээс 45-д нь ҮЭ ажиллаж, барилгачдын эрх ашиг, хөдөлмөрийн аюулгүй ажиллагаанд санаа тавьж байдаг байна. Барилгын талбайд аюулгүй ажиллагааг хангах, талаар барилгын компаниуд хэрхэн анхаардаг тухай  Монголын барилгачдын ҮЭХ-ны дарга Б.Батцогтоос тодруулсан юм.

 
  -Монголд барилга барих тусгай зөвшөөрөлтөй олон зуун байгууллага байгаа ч тэдгээрээс барилгачдынхаа нийгмийн асуудал, хөдөлмөрийн нөхцөл, цалин хөлсийн нэмэгдүүлэх зэрэг асуудлаар ҮЭ-ийн байгууллагтай хамтран ажилладаг байгууллага 40 хүрэхгүй байна. Хаана аюулгүй ажиллагааны сургалт байхгүй, аюулгүй ажиллагааны стандарт мөрдөөгүй байна тэр газар аюул осол ойрхон байдаг. Манай холбоо өнгөрсөн жил 17 компанитай хөдөлмөрийн аюулгүй ажиллагааны талаар хамтарч ажилласан. Тэдгээрээс нэг ч компани дээр осол гараагүй. Одкон холдинг, Байгууламж, Байгууламж-Од, Хүрд, Нийслэл өргөө, Улаанбаатар барилга, Ган хийц зэрэг  компанитай энэ жил аюулгүй ажиллагааг сайжруулах талаар хамтран ажиллаж байна. Барилгын ихэнх байгууллага 15-20 үндсэн ажилтантай, бусад ажиллах хүчээ гэрээгээр авч ажиллуулдаг учраас аюулгүй ажиллагааны сургалтыг жил бүр, шинээр гэрээлэгч авах бүртээ хийж байх шаардлагатай байдаг. Барилга, хот байгуулалтын яам саянаас аюулгүй ажиллагаа хариуцсан мэргэжилтэнтэй болсон нь сайн хэрэг. Бид яамтай хамтран ажиллах, аюулгүй ажиллагааны зарим чиг үүргийг гүйцэтгэх талаар хэлцэж байна.

  Барилгачдын ҮЭХ-той  хамтран  аюулгүй ажиллагааны сургалт зохион байгуулах санал  их ирдэг. Түүний дагуу  сургалт хийдэг. Манайд энэ талаар мэргэжсэн сургагач багш нар хангалттай байдаг.  Бид хөдөлмөрийн аюулгүй ажиллагааг хэрхэн хангаж байгаа байдалд үзлэг шалгалт хийнэ.

Байгууллага хөдөлмөрийн аюулгүй ажиллагааг хангахад төсөвт зардлынхаа нэг хувийг зарцуулах хуулийн заалт бий. Үүнийг хуулийн дагуу зарцуулах, аюулгүй ажиллагааг хангах талаар  бид Салбарын гурван талт хэлэлцээрт тусгай  заалт оруулсан.