Нийслэлийн алслагдсан дүүргүүдийн нэг Налайхын эмзэг асуудлуудын нэгдүгээрт нь ажлын байр ордог. Цагтаа усынхаа голомтын галыг цахиж газрын гүнд хүнд хүчир ажилд зүтгэж явсан уурхайчдын үрс садыг ихэнх нь өнөөдөр хаагдсан уурхайн энд тэндээс өмлөн цөмлөн амиараа дэнчин тавин амь зууж байгаа билээ. Нийслэлийн алслагдсан дүүргүүдийн нэг Налайхын эмзэг асуудлуудын нэгдүгээрт нь ажлын байр ордог. Цагтаа усынхаа голомтын галыг цахиж газрын гүнд хүнд хүчир ажилд зүтгэж явсан уурхайчдын үрс садыг ихэнх нь өнөөдөр хаагдсан уурхайн энд тэндээс өмлөн цөмлөн амиараа дэнчин тавин амь зууж байгаа билээ. Тус дүүргийн нутгаар жуулчны баазуудыг зорих зам дайран өнгөрдөг. Тэдний замыг тосон самар жимс барин зогсох хүүхэд, хөгшид олон бий. Жуулчин, айлан зугаалагчдад нэгэн төрлийн үйчилгээ үзүүлж байгаа тэднээс цөөхнийг нь Дүүргийн засаг даргын тамгын газар зохион байгуулалтад оруулан зуны гурван сард худалдаа эрхлэх зөвшөөрөл өгдөг ажээ.
Чанасан мах, хуушуур, бууз, адууны хитаа, айраг ... зарж байна гэсэн улбар өнгөтэй даавуун саравчууд дүүргийн цаахана, Тэрэлж ордог дөрөлж дээр ярайж байна. 
Тэнд дүүргийн Засаг даргын тамгын газраас 20 гаруй өрх зуны гурван сар худалдаа, үйлчилгээ эрхлүүлэхээр , сарын зуун мянган төгрөгний хураамж төлөн зөвшөөрөл авдаг байна. Энэдэхийн бараа харьцангуй үнэтэй. Хуушуур гэхэд ширхэг нь 800 төгрөг ажээ.
Хүнсний үйлдвэрлэлийн нөхцөл, ариун цэврийн шаардлага хангаж байгаа эсэх нь тодорхойгүй энэ ажлын байр өмнөх засгийн газрын бий болгосон 250 мянган ажлын байрны нэгээхэн хэсэг байж таарна. Удахгүй хүйтний ам наашлилж, жуулчны хөл татрахаар яадаг юм мэдэхгүй гэж хуушуур хайрч буй 20 гаруй насны хоёр залуу ярьж байлаа.
