Герман гаралтай нохой “Капитан” өөрийн эзэн Мигуел Газменыг 2006 онд нас барснаас хойш шарил дээр нь очих болсон байна. Газмены гэрийнхэн ажил явдал болсноос долоо хоногийн дараа нохой эзнийхээ шарилын хажууд гашуудан зогсож байхыг мэдсэн байна.

Герман гаралтай нохой “Капитан” өөрийн эзэн Мигуел Газменыг 2006 онд нас барснаас хойш шарил дээр нь очих болсон байна. Газмены гэрийнхэн ажил явдал болсноос долоо хоногийн дараа нохой эзнийхээ шарилын хажууд гашуудан зогсож байхыг мэдсэн байна.

Мигуел Газмен 2005 онд Капитан нохойгоо хүү Дамиандаа бэлэглэсэн аж. Өнгөрсөн зургаан жилийн турш Капитан эзнийхээ шарилыг эргэсээр байсан гэнэ.

Мигуел Газмены бэлэвсэн эхнэр Вероника Газмен LaVoz.com сайтад “Бид нохойгоо долоо хоног сураггүй алга болохоор нь гадуур хэсч яваад үхчихсэн байх хэмээн бодсон. Харин нөхрийнхөө шарилыг эргэхээр очиход Капитан шарилын хажууд гашуудан зогсч байсан. Тэр тэнд хэд хоногийн турш байсан. Капитан биднийг харангуутаа бидэн дээр ирж, хуцаж бас гуниглаж байсан. Тэр дотроо маш их уйлж байсан байх” хэмээн ярьжээ.

Үүнээс гадна хатагтай Вероника Газмен нэгэн хачирхалтай зүйл ярив. Тэд өмнө нь Капитаныг шарил дээр авчирч байгаагүй аж. Тэгэхээр Капитан эзнийхээ шарилыг өөрөө нээж олсон хэрэг болсон байна. Харин нохой эзнийхээ шарилыг хэрхэн олсон нь домог хэвээр байна.

Оршуулгын газрын ажилтан Хектор Баккега Капитаныг тэжээж байсан талаараа ярьсан байна. “Капитан энд нэг өдөр өнжсөнөөс хойш бид түүнийг ажиглах болсон. Тэр өдөрт оршуулгын газрын маань ойр хавиар зугаалдаг. Гэхдээ нэг шарил дээр заавал буцаж ирдэг байсан. Хожим нь түүний эзний шарил байсныг нь мэдсэн. Тэр өдөр бүр зургаан цагт шарилын дээд хэсэг дээр хэвтээд шөнө байрнаасаа хөдлөлгүй тэндээ хонодог” хэмээн ярьжээ.

Гэвч Газмены гэрийнхэн нохойгоо шарилаас холдуулж чадахгүй байгаа гэнэ. Түүнийг гэртээ авчрахаар тэр буцаад л шарилруу явчихдаг байна. “Бид түүнийг халамжилсан хэвээр байгаа. Магадгүй Капитан үхэн үхтэлээ аавын маань шарил дээр байх биз. Тэр аавыг минь ингэж асарч байгаа байх” хэмээн хүү Дамиан нь ярьжээ.