Сар гаруй хугацааны турш маргалдсаны эцэст Нью-Йорк хотын эрүүл мэндийн албанаас том савалгаатай “Кока Кола”-г түргэн хоолны газар, кино театр, ресторан зэрэг газруудаар худалдаалахыг бүрэн хоригложээ.

Тус хотын эрүүл мэндийн алба өчигдөр албан ёсны мэдэгдэл хийж таргалалттай тэмцэх цаашлаад эрүүл мэндийн асуудлаар хэт их чихрийн агууламжтай дээрх ундааг худалдаалахыг хориглох тал дээр санал хурааж эцсийн дүнд хүрснээ мэдэгдсэн байна.

Нью-Йорк хот АНУ-ын бусад хотуудаас хамгийн түрүүнд энэхүү зоримог шийдвэрийг гаргасан хот болоод байна. Дээрх шийдвэрийг гаргасан Нью-Йоркын эрүүл мэндийн байгууллагаас мэдэгдэж буйгаар “Хэдийгээр энэ төдийлөн том алхам биш ч маш зоримог шийдвэр болсон” хэмээн ярьжээ.

Түүнчлэн тус мужийн дарга Майкл Блүүмберг дээрх хоригийг эрүүл нийгмийн төлөө хийж буй сүүлчийн алхам биш гэдгийг мэдэгдээд дээрх хориг олон мянган хүний амийг авархад бага ч болов нэмэр болно гэдэгт итгэлтэй байгаагаа мэдэгджээ.

Харин энэ нь эсрэгээрээ түргэн хоолны бизнес эрхэлдэг хүмүүст томоохон цохилт болж байна. Мөн байнгын Кока Кола уудаг хүмүүст багагүй бухимдал үүсгэжээ.