Өчигдөр “BLUE SKY tower”-т “ТV8” телевизийн сэтгүүлчийг Солонгосчууд зодсон тухай манай сайт мэдээлж байсан. Энэ талаар өнөөдөр “ТV8” телевизийн сэтгүүлч Минжин, Болортуяа, зураглаач Ганболд нар мэдээлэл хийлээ. Тэд өчигдөр болсон үйл явдлын талаар мэдээлэл өгч, Хууль зүйн сайд Х.Тэмүүжинд хүсэлт гаргаж байгаагаа мэдэгдлээ.

Тэдний ярьж буйгаар “BLUE SKY tower”-т үүдэнд нь хамгаалалтын албаны хүмүүс камертай сэтгүүлчдийг хориглож, гар хоосон сэтгүүлчдийг ажлын байр руу нэвтрүүлсэн. “ТV 8” телевизийн сэтгүүлч Минжин гар утсаараа бичлэг хийсэн гэж Солонгос болон Монгол хэлмэрч нь гэх хүмүүс нийлж гар утсыг нь булаан авч бүлэглэн зодсон. Сэтгүүлч  Минжин гар утсаараа бичлэг хийж, зодуулсан гэх залуугийн талаар яриа авах гэхэд тэнд байсан дөрвөн Солонгос болон хоёр Монгол хэлмэрч нь гэх хүмүүс нийлж гар утсыг нь булаан авч, бүлэглэн зодсон. Тэгээд өрөөндөө саатуулж, боож газарт  унагаан биенд нь нэгжлэг хийжээ. Энэ үед Солонгос хүмүүс гар утсаараа бичлэг хийж, хэл амаар доромжлон инээлдэн тохуурахсан байна.

Тиймээс “ТV8” телевизийн хамт олон МСНЭ-тэй хамтран Хууль зүйн  яам, хууль хяналтын байгууллуудаас монголд хичнээн хэмжээний хятад, солонгос иргэд амьдарч байна. Тэдний хэд нь оршин суух зөвшөөрөлтэй байгаа талаар мэдээлэл авахыг хүслээ. Мөн сэтгүүлчийн эрх, Монгол хүний үнэ цэнэ хаана байгаа талаар тайлбар авахыг хүссэн юм.