Жүжигчин Л.Аглуу буюу Л.Баттулга машиныхаа дугаарыг сольж байна гэсэн сенсаац өчигдөр олны дунд тархаад байсан билээ. Энэ талаар тэрбээр тайлбарлахдаа “Энэ сарын 3-ний өдөр Баянхонгор аймгаас ирсэн хадам эгчийнхээ машины номерийг тусгай боолтоор чангалж байсан юм. Тэрийг хүмүүс нууцаар аваад өчигдрөөс цахим хуудаснаа цацаж эхэлжээ. Манай хадам эгч УНГ6089 дугаартай машин барьдаг. Харин би Landcruser-200 УБС 6262 дугаартай машин барьдаг. Би чинь олонд үлгэр дууриалал үзүүлэх ёстой хүн. Мөн иргэний үүргээ биелүүлдэг, хуулиа дээдэлдэг иргэн" гэлээ.  Гэсэн ч энэхүү зурагнаас харахад жүжигчин Л.Аглуу малгайтай цамц өмссөн их л нууц байдалтайгаар дугаар чангалж байгаа харагдана. Түүний машины дугаар хоёроор төгссөн болохоор хоёр дахь өдөр явахгүй. Харин энэхүү машины дугаарыг чангалсан өдөр нь гурав дахь өдөр. Тэгэхээр тэрээр хоёр дахь өдөр хадам эгчийнхээ дугаарыг ашиглахчихаад эргүүлж машинд нь хийж байгаа юм болов уу гэсэн яриа олны дунд тархаад байгаа юм. Олны танил хүмүүс нийгэмд сайн үлгэр дуурайлал болж явах хэрэгтэй. Иймэрхүү үлгэр дуурайлал үзүүлвэл нийгэм юу болж хувирах нь ойлгомжтой. Ямартай ч тэрбээр АН-ыг дэмждэг.  Ардчилсан нам гарсны дараахан түүнийг Соёлын тэргүүний ажилтан болгосон. Тэгсэн хэрнээ энэхүү намаас гаргасан бодлогыг нь ингэж үл ойшоож байгаа нь зөв үү ?.

Ямартай ч өчигдрийн гарсан энэхүү сенсаац жүжигчин Г.Нарансолонгын дургүйцлийг маш ихээр хүргэжээ.  Тэрбээр “Сэтгүүлчид яагаад ийм байдаг юм бэ. Зөвшөөрөлгүй зураг авч мэдээ тавиад....сонин юм аа. "Facebook-тэй байж боломгүй юм байна” гэж статус дээрээ бичжээ. Г.Нарансолонго мөн Л.Аглуугийн машины зургийг Facebook хуудаснаа дэлгээд Баянхонгороос ирсэн хадам эгч нь машины шинэ дугаар аваад , тэрийг нь Аглуу хийж байгаа юм гэж тайлбарлажээ. Нийслэлийн удирдах ажилтны зөвлөгөөний хуралдаан дээр Замын цагдаагийн газрын дэд дарга, хурандаа Ч.Жаргалсайхан, Улаанбаатар хотын захирагч, нийслэлийн засаг дарга Э.Бат-Үүлд дугаар сольж байгаа иргэдийн эрхийг шууд хасна гэж танилцуулж байсан. Тэгэхээр яг хуулиараа явах юм бол хэдий соёлын гавьяат зүтгэлтэн, хүмүүсийн хүндэлдэг жүжигчин хэдий ч Л.Аглуугийн эрх 6 сараар хасагдах ёстой. Гэвч мөнгөтэй, олны танил хүнд хууль үйлчилдэггүй гэгчээр Л.Аглуу жүжигчинд хууль үйлчлэх эсэх нь тодорхойгүй байна.