УИХ-ын чуулганаар цар тахлын үед авч байгаа хариу арга хэмжээтэй гишүүд танилцаж байна.

Б.Баттөмөр: Өчигдөр засгийн газрын хуралдаанаар зээллийн хүүг бууруулах, царцаах зэрэг хэд хэдэн арга хэмжээ авч. Тэгвэл эдийн засгаа яаж дэмжих вэ. Дутуу яригдаад байгаа юм биш биз гэсэн болгоомжлол байна. Улсын төсөв өндөр алдагдалтай. Энэ үед Засгийн газар ямар бодлого гарган ажиллаж байна вэ. Өвчинтэй тэмцэх чухал ч эдийн засгаа сэргээх бодлого хамт явах ёстой.

Б.Лхагвасүрэн: Ирэх долоо хоногт Монголбанкны Мөнгөний бодлогын хороо хуралдана. Үүгээр гол шийдвэр гарна гэж харж байна. Өчигдөр ипотекийн зээлийг хойшлуулах талаар тохиролцсон. Сар бүр ипотекийн зээлээр 39 тэрбум төгрөг орж ирдэг. Энэ орж ирэх мөнгө хойшлогдсоноор эргээд уг зээлд хамрагдах иргэийн зээл хойшилно гэсэн үг. Ийм зүйл болгохгүйн тулд бид ажиллаж байна. Харин уул уурхайн бүтээгдэхүүний экспортыг дээшлүүлэхийн тулд Монголбанк өөрийн эрх хэмжээний хүрээнд тодорхой шийдвэр гарган банкуудтайгаа гэрээ хийн ажиллаж байна.   

Я.Содбаатар: Бүх нийтийн бэлэн байдлын зэрэгт шилжсэн энэ үед Засгийн газар өичгдөр бүтэн хуралдаж 23 төрлийн арга хэмжээ авсан. Нарийвчилж хийж байгаа ажлын талаар Сангийн сайд нэмж мэдэлнэ. Эдийн засаг, аж ахуйн нэгжүүдтэй холбоотой ажлыг нэлээд судалж, аж ахуйн нэгжүүдийнхээ саналыг авч шийдвэр гаргасан.

Ч.Хүрэлбаатар: Хамгийн богино зардал, үр дүнгээр нийтэд хүрэх арга хэмжээ хэрэгжүүлэх ёстой. Засгийн газар өнгөрсөн гуравдугаагр сараас хойш цар тахалтай зэрэгцүүлэн эдийн засгийн бодлогоо нийцүүлж ирсэн.

А.Сүх