Өнгөрсөн долоо хоногт Сүхбаатар аймгийн Онцгой байдлын албаны дарга Н.Анхбаяр согтууруулах ундаа хэрэглэсэн үедээ машин жолоодож хоёр хүний аминд хүрчээ.Тэрээр овоолгоотой шороо тойроод явж байтал өөдөөс нь мотоцикль унасан гурван хүн гарч ирсэн байна. Улмаар Н.Анхбаярын унаж явсан машин хурдтай байсан учир мотоцикльтой хүмүүсийг дайрчээ. Ослын улмаас таван настай хүүхэд 25 настай залуу газар дээрээ нас барж, 15 настай хүүхэд амьд гарсан ч эмнэлэгт ухаангүй хэвтэж байгаа аж. Мотоцикльтой явсан хүмүүс нэг гэр бүлийн ах дүүс байсан байна.
Урьдчилсан байдлаар Онцгой байдлын албаны дарга машин жолоодож явах үедээ согтууруулах ундаа хэрэглэсэн нь тогтоогджээ. Хэргийг тус аймгийн цагдаагийн хэлтэст шалгаж эхэлсэн бөгөөд Н.Анхбаярыг цагдан хориод байгаа аж.
Б.Золбоо
