Улс төрийн нам байгуулагдсаны 100 жил ой, “Эх орончдын өдөр” өнөөдөр тохиож буй. Энэхүү түүхэн өдөртэй холбоотойгоор МАН, МАХН-ны удирдлагууд болон улс төрийн хүрээнийхэн жанжин Д.Сүхбаатарын хөшөөнд цэцэг өргөж, Чингис хааны хөшөөнд хүндэтгэл үзүүлсэн талаар бид өмнө нь мэдээлсэн билээ.

Уг арга хэмжээний үеэр намуудын удирдлагууд халдвар хамгааллын дэглэм зөрчиж, амны хаалтгүй, хүн хоорондын зай баримтлаагүй нь олны дургүйцлийг төрүүлж, шүүмжлэл дагуулж эхлэв.

Хэдийгээр гамшгаас хамгаалах бүх нийтийн бэлэн байдлын зэрэглэлийг бууруулсан ч халдвар голомтлон гарч, хүн амын дундаас өдөрт 30-40 тохиолдол бүртгэгдсээр байгаа. Тиймээс ч албаныхан халдвар хамгааллын дэглэмээ мөрдөх хэрэгтэй гэдгийг хэлж, сануулсаар. 

Гэтэл намынхаа 100 жилийн ойг тэмдэглэн, баярлаж буй эрхмүүд ард түмэндээ ийнхүү үлгэр дууриалал үзүүлж, буруу жишиг тогтоов. Үнэхээр ч коронавирусний халдвар манай улсыг төдийгүй дэлхий дахиныг донсолгож байгаа. Үүнийг ч дээрх эрх мэдэл, албан тушаалтнууд өөрсдөө хэлж, үүний эсрэг тэмцэж буйгаа гайширдаг атал нидэр дээрээ байдал ийм байгаа нь олны дургүйцлийг төрүүлж байгаа юм.   

Б.Баатар