МУИС-ийг 70 жилийнхээ ойгоор оюутнуудаасаа мөнгө хураасан, захиралууд нь хандивын анги нээж мөнгө идсэн, ЭЗС нь таван сая төгрөгөөр оюутан элсүүлж байна гэх мэдээллүүд гарсан. Мөн ШӨХТГ-аас төрийн өмчийн зургаан сургууль үгсэн хуйвалдаж төлбөрөө нэмсэн гэх үндэслэлээр МУИС-ийг 25 сая төгрөгөөр торгосон юм. Эдгээр асуудлуудтай холбогдуулан МУИС-ийн ректор С.Төмөр-Очир, Эдийн засаг, хөгжлийн асуудал хариуцсан захирал Б.Даваасүрэн нар өнөөдөр хэвлэлийн бага хурал хийлээ. МУИС-ийн ректор С.Төмөр-Очиртой хийсэн ярилцлагыг хүргэе.

МУИС-ийг 70 жилийнхээ ойгоор оюутнуудаасаа мөнгө хураасан, захиралууд нь хандивын анги нээж мөнгө идсэн, ЭЗС нь таван сая төгрөгөөр оюутан элсүүлж байна гэх мэдээллүүд гарсан. Мөн ШӨХТГ-аас төрийн өмчийн зургаан сургууль үгсэн хуйвалдаж төлбөрөө нэмсэн гэх үндэслэлээр МУИС-ийг 25 сая төгрөгөөр торгосон юм.

Эдгээр асуудлуудтай холбогдуулан МУИС-ийн ректор С.Төмөр-Очир, Эдийн засаг, хөгжлийн асуудал хариуцсан захирал Б.Даваасүрэн нар өнөөдөр хэвлэлийн бага хурал хийлээ. МУИС-ийн ректор С.Төмөр-Очиртой хийсэн ярилцлагыг хүргэе.

-МУИС-ийг хандивын анги нээж захирал нь мөнгө идсэн хэмээн МОХ-ны нарийн бичгийн дарга Н.Бямбагэрэл мэдээлсэн. Энэ талаар тайлбар хийгээч?

-Манай сургууль энэ жил 4115 оюутан нэгдүгээр курсд эслүүлэхээр төлөвлөсөн байсан. Гэтэл оноо өндөр ч МУИС-д орж чадаагүй хүүхдүүдийг нэмж элсүүлэх БСШУ-ны сайдын 2012 оны 7 сарын 23-нд тушаалаар 253 оюутан нэмж элсүүлэхээр болсон. МУИС тушаалийн дагуу нийт 4350 оюутан шинээр элсүүлэх ёстой байсан бол 4259 оюутан элсүүлсэн байна. Тэгэхээр бид ямар ч хандивын анги нэмж мөнгө аваагүй. Элсэгчдийн тоо тушаалаас дутуу байгаа шалтгаан нь хөдөө орон нутгаас бүртгүүлчихээд ирээгүй оюутнуудтай холбоотой.

Ш.Сүрэнжав найрагчийн “Хөшөө тийш явсан ардын зам баларсангүй” гэдэг шиг шинэ засгийн газар гараад ирэхээр энэ албан тушаалд гарах сонирхолтой нөхөд бий болдог. Тэгээд одоо ажиллаж байгаа хүмүүсийг халах зорилгоор янз бүрийн буруу ташаа мэдээлэл хэвлэлээр цацдаг учраас бодит байдалд ийм биш гэдгийг тайлбарлаж байгаа юм. Тиймээс буруу ташаа мэдээлэл өгч буй хэвлэл мэдээллийн хэрэгсэл, сэтгүүлчтэй хариуцлага тооцно.

-Энэ чиглэлээр хууль шүүхийн байгууллагад хандсан уу?

-Хадаагүй. Сургуулийн маань 70 жилийн ой болоод маш завгүй байгаа тул баяр өнгөрсөний дараа хууль шүүхийн байгууллагад хандаж асуудлыг шийдвэрлэнэ.

-МУИС-д хандивын анги байдаггүй гэлээ. Нэмж авч байгаа оюутнуудаас хандив авдаг уу?

-25 оюутан бүгд хандив өгч орсон бол хандивын анги болно. Харин нэмж орж байгаа хүүхдүүд мөнгө хандивлах асуудал шал өөр. МУИС энэ асуудлыг зохицуулсан дүрэмтэй. Яамны тушаалийн дагуу өргөдөл гарсан оюутнуудын оноо манай сургуулийн босго оноотой ойролцоо байвал бага, хэт доогуур байвал их мөнгө төлдөг. Жишээлбэл, эдийн засаг, хуулийн ангид мөнгө төлөх нь өндөр хувьтай байдаг бол тасалдаад байга ангиудад нэмж элсэгчдээс 200, 300 мянган төгрөг авдаг. Гэхдээ эцэг эх нь өргөдөл гаргасан хүүхдүүдээс яамны тушаалийн дагуу 235-даа багтаагаад авч байгаа.

-ЭЗС МУИС-ийн 70 жилийн ойгоор оюутнуудаас 100 мянган төгрөг төлбөр дээр нь нэмж авсан гэж хэвлэлүүд мэдээлж байна. Үнэн үү?

-Ямар ч тийм зүйл байхгүй. Их сургуулийн ойтой холбогдуулан оюутнуудаас төлбөр авсан тохиолдол огт байхгүй. Энэ талаар бичиж байгаа хүмүүс эзэнтэй нь хамт ярих ёстой.

-ШӨХТГ-аас төрийн өмчийн зургаан сургуулийг үгсэн хуйвалдаж сургалтын төлбөрөө нэмсэн хэмээн торгосон. Үнэхээр үгсэн хуйвалдсан юм уу?

-Бид удирдах зөвлөлөөр хэлэлцээд төлбөрийг нэлээд өндөр хувиар нэмэхээр тохирсон байсан. Гэтэл энэ асуудлыг яамнаас Засгийн газрын хуралдаанаар хэлэлцүүлээд инфляцийн төвшнөөс хэтрүүлэхгүй гээд арван хувиар тогтоож өгсөн. Тэгээд их сургуулиуд бүгд арван хувиар нэмэхэд ШӨХТГ цөмөөрөө үгсээд 10 хувь нэмсэн тул торгууль тавина гэсэн яриа явж байна.

-МУИС-д хамгийн өндөр буюу 25 сая төгрөгийн торгууль тавьсан. МУИС төлөх үү?

-Бид үгсэн хуйвалдаагүй, яамны шийдвэрийг дагасан. Их сургуулийн ректорууд ширээ тойрон сууж байгаад бүгдээрээ арван хувиар төлбөрөө нэмье гэж шийдээгүй болохоор энэ асуудлыг нэлээн ярих хэрэг гарна.

-ШӨХТГ нарийн тодорхой шалгаж байж үгсэн хуйвалдсан гэж дүгнэсэн хэмээн мэдээлсэн. Захирлуудад энэ шалтгаанаас нарийн тайлбарлаж өгсөн үү?

-Консерциумын нэг хурал болсон сурагтай. Тэр хурал дээр би очоогүй. Манай сургууль сургалтын төлбөрөө өнгөрсөн жил ч мөн өндөр хувьтай нэмнэ гэж тогтоогоод засгийн газрын шаардлагын дагуу бууруулсан. Яамнаас энэ жил 10 хуиас хэтрэхгүй гэхээр л нэмсэн. ШӨХТГ бидний шийдвэрийг зөрчиж буй яамны шийдвэрийг яах гэж дагасан юм гэж ярьсан байна лээ. Бид төрийн сургууль учраас яамныхаа шийдвэрийг дагахаас өөр аргагүй.

-Их сургуулиудын захирлууд яаманд ШӨХТГ-ын торгуулийн тухай ямар нэгэн гомдол шаардлага хүргүүлсэн үү?
-Үгүй. Бид үгсэн хуйвалдаагүй учир ийм алхам хийгээгүй байна.

-Яамнаас ямар нэгэн арга хэмжээ авах болов уу?
-Сайн мэдэхгүй байна. ШӨХТГ хэн нь яам, сургуулийн захирлуудын хэн нь буруутайг тогтоогоод ажиллах байх. Энэ дээр их маргаан үүсэх биз. 

-Жил болгон их сургуулиуд сургалтын төлбөрөө нэмдэг. МУИС-ийн хувьд төлбөр нэмэх хамгийн гол шалтгаан нь юу вэ?

-МУИС зардлынхаа 6.8 хувийг төрөөс авдаг. Өөрөөр хэлбэлд тогтмол зардлын мөнгөө төрөөс авдаг гэсэн үг. Үлдсэн 93.2 хувийг оюутны төлбөр, гэрээт эрдэм шинжилгээний ажил, сургуулийн аж ахуйн нэгж /эмнэлэг, хэвлэх газар/ гэх зэргээс олдог. Энэ жил төлбөр нэмсэний гол шалтгаан нь багш нарын цалинг нэмэхтэй холбоотой. Төрийн албан хаагчийн цалинг 50 хувь нэмэх ёстой гэсэн тогтоол гарсан. Үүний дагуу манай сургууль өнгөрсөн жилийн 10 сарын нэгнээс багш нараас бусад албан хаагчдын цалинг 15 хувь нэмсэн. Нэг сарын нэгнээс бүх албан хаагчдынхаа цалинг 80 мянга, таван сарын нэгнээс 20 хувиар нэмсэн. Одоо бол өнгөрсөн жилийн 10 сарынхтай харьцуулахад 50 хувь нэмсэн байгаа. Гол шалтгаан нь багш нарын цалинг нэмэх асуудал байсан.