Цахим хөгжлийг дэмжих Нийтийн мэдээллийн ил тод байдлын тухай, Хүний хувийн мэдээлэл хамгаалах тухай, Кибер аюулгүй байдлын тухай, Цахим гарын үсгийн тухай хуулиудын хэрэгжилтэд анхаарах асуудал сэдэвт уулзалт, хэлэлцүүлэг болж байна.
Цахим хөгжил харилцаа холбооны яамны Цахим хөгжил, бодлогын хэрэгжилтийг зохицуулах газрын дарга Б.Билэгдэмбэрэл: Нийтийн мэдээллийн ил тод байдлын тухай хуулинд заасан үндсэн болон дэмжих хэд хэдэн системүүд бий. Үндсэн систем гэдэг нь “Хур” систем.
Одоогийн байдлаар 300 орчим байгууллага "Хур" системд холбогдож мэдээлэл солилцдог. Нийт 700 орчим сервист дуудагдаж 500 гаруй нь амжилттай тооцогдсон.
"Үндсэн болон, дэмжих системийг ашиглах, үйл ажиллагааг зохицуулах журмыг Засгийн газар ойрын хугацаанд хэлэлцэж батална. Ерөнхийдөө эргээд төвлөрсөн бус хэлбэрлүү орно. Өөрөөр хэлбэл салбар бүр өөрсдийн мэдээлэл солилцох дэд бүтэцтэй. Энэ нь үндсэн системийн нэг хэсэг болж явна. Бүрэн шифрлэсэн мэдээлэл, хоорондын тусгай VPN буюу нууцлалын сүлжээ ашиглана” гэв.
Т.Мөнхжаргал