Улсын Их баяр наадам долдугаар сарын 10, 11-ны өдрүүдэд нэгдсэн байдлаар бүх аймаг орон нутагт зохион байгуулна. Мөн тэгш ой нь тохиолдож байгаа Баянхонгор, Өмнөговь, Сүхбаатар, Өвөрхангай, Дорноговь гэсэн таван аймаг бий. Тэгш ой нь тохиож буй аймгууд долдугаар сарын 22-30-ны хооронд аймаг орон нутагтаа тэмдэглэх хуваарь гарсан. Хуваарь болон төсөл хөтөлбөрийн талаар Соёлын яам танилцуулна.

Бид цар тахлын улмаас хоёр жил наадмаа тэмдэглэж чадсангүй. Тиймээс дэлгэр сайхан зуны улиралд Улаанбаатар хотдоо тэмдэглэчхээд, аймаг орон нутагтаа тэмдэглэх боломжтой.

Энэ жил Тулгар төр байгуулагдсаны түүхт 2230, 2231 жилийн, Их Монгол Улс байгуулагдсаны 815, 816 жилийн , Тусгаар тогтнолоо сэргээн мандуулсны 110, 111 жилийн, Ардын хувьсгалын 100, 101 жилийн ой гээд давхацсан ойнуудыг долдугаар сард тэмдэглэнэ. Наймдугаар сард нүүдэлчний соёл ахуйг таниулах, аялал жуулчлалыг хөгжүүлэх ажлууд гээд бүтэн наадмын хөтөлбөрийн дагуу ажлууд зохион байгуулагдана.

Төрийн ёслол хүндэтгэлийн концертыг өмнө нь Соёлын төв өргөөнд зохион байгуулдаг байсан бол энэ жил Төв талбайд зохион байгуулна. Хүй долоон худагт Улаанбаатарын үдэш цэнгүүн болно. Энэ жилийн наадмаар 3 тэрбум төгрөг зарцуулахаар төсөвлөсөн байсан бол Төсвийн тодотголоор танагдаж, 2.3 тэрбум төгрөг зарцуулахаар төсөвлөсөн. Баяр наадмын урлаг соёлын арга хэмжээний хуваарь, төсөл хөтөлбөрийг Соёлын яамнаас танилцуулна. Мөн Иргэд наадмын хуушуур амтлахаар Төв талбай руу зорьдог байсан бол энэ жилийн дүүрэг, хороо бүрд наадмын хуушуур худалдаалах боломжийг бүрдүүлнэ”  гэв.

Д.Батчулуун