“Таванбогд” группийн захирал Ц.Баатарсайханы хүү “Говь” ХК-ийн Гүйцэтгэх захирал Б.Амарсайханыг хууль ёсны хугацаанд мэдүүлэг өгөөгүй, хилийн чанадаас оргон зайлсан байж болзошгүй гэх үндэслэлээр гадаад паспортыг нь хүчингүй болгожээ.

Тэрбээр Сүхбаатар дүүргийн гуравдугаар хороонд байрлах “Cante” шөнийн цэнгээний газрын гадна зодооны хэрэгт холбогдоод буй. 

Гадаад паспортыг нь хүчингүй болгосон тухайд, ХЗДХ-ийн сайд Л.Мөнхбаатар "Гэмт хэрэгт сэжиглэгдсэн, холбогдсон этгээдүүд мөрдөн байцаалтын шатанд оргон зайлах, хэргийн мөрдөн байцаалтын явцыг удаашруулах зэргээр хэрэгт нөлөөлж байгаа тул гэмт хэрэгт сэжиглэгдсэн, холбогдсон үедээ хил гарч зугтсан иргэдийн гадаад паспортыг хүчингүй болго" гэж үүрэг чиглэл өгсөн байдаг. Иймд Б.Амарсайхан өөрөө ирэх, эсвэл баривчлагдаж ирэх, эсвэл бүр нуугдаж амьдрах нөхцөл бүрдээд байна.