Ардчилсан Намын Улс төрийн зөвлөл хуралдлаа. Тус хуралдаанаас гарсан шийдвэрийг танилцуулж байна. 

С.Баярцогт: Ардчилсан Намын улсын дээд шүүхэд бүртгүүлсэн дүрмээр ЕНБД-ын түр орлон гүйцэтгэгчээр сарын хугацаатай ажиллуулна хэмээн зохицуулсан. АН-ын ҮБХ-ны хурал дээр намын даргын нэр дэвшүүлсэн хүн олонхын санал аваагүй учраас өнөөдөр Улс төрийн зөвлөл хуралдаж миний нэрийг санал болгон оруулж олонх дэмжлээ. Ардчилсан нам арав гаруй жил албан ёсны ЕНБД-гүй байсан. Өнөөдрийн УТЗ-ийн хуралдаанаар үйл ажиллагааны 3 том журмыг танилцууллаа. УТЗ-ийн үйл ажиллагаа болон журмын танилцуулга хийлээ. Мөн бодлогын төв байгууллага болох "Бодлогын Ерөнхий Зөвлөл"-ийн журам болон "Хяналтын Ерөнхий хороо"-ны журмыг танилцуулж тус бүр дээр ажлын хэсэг гарлаа. БЕЗ-ийн ажлын хэсгийг УИХ-ын дэд дарга Б.Пүрэвдоржоор ахлуулсан таван гишүүнтэй. ХЕХ-ны үйл ажиллагааг УИХ-ын гишүүн Б.Түвшин ахлан ажиллахаар боллоо. Мөн УИХ-ын Бүлгийн ажлын талаар О.Цогтгэрэл мэдээлэл өглөө.