Нийслэлийн аялал жуулчлалын газраас шашин соёлын "Даншиг наадам-Хүрээ цам 2022" наадмын талаар мэдээлэл өглөө. Ирэх долоо хоногийн амралтын өдрүүдэд буюу наймдугаар сарын 6-7-ны өдрүүдэд Хүй долоо худагт даншиг наадам зохион байгуулагдана. 

Нийслэлийн аялал жуулчлалын газрын Бодлогын хэрэгжилтийн хэлтсийн дарга В.Батчимэг

“Энэ жилийн даншиг наадмын хүрээнд 256 хүчит бөх барилдаж, даага, их нас болон жороо морьд уралдах бөгөөд морьт харвааны үзүүлбэр зохион байгуулна. “Даншиг наадам-Хүрээ цам 2022” шашин соёлын наадмыг 2018 оноос сэргээн уламжлал ёсоор Монголын Бурхан Шашинтны Төв Гандантэгчэнлин хийдтэй хамтран зохион байгуулж байгаа бөгөөд энэ хүрээнд ажлын хэсэг гарч, хүй долоо хутагт бэлтгэлээ хангаж байна. 2018 онд даншиг наадмыг үзэхээр 2500 жуулчин ирж байсан бол энэ жил аялалын компанид захиалгаа баталгаажуулсан 150 орчим жуулчин байгаа. Үүнээс гадна хувиараа болон урилгаар гадны зочид, төлөөлөгчид ирнэ. “Даншиг наадам-Хүрээ цам” нь улс орнуудын аялагч, жуулчдыг татах, монголчуудын өвөрмөц өв соёлоо түгээн дэлгэрүүлэх боломжтой энэхүү наадмыг гадаадын төдийгүй дотоодын аялагч нар ихээхэн сонирхдог. Дэлхийн аялал жуулчлалын холбооноос гаргасан судалгаагаар нэг жуулчин өдөрт багадаа 150 ам.доллар зарцуулдаг гэсэн тооцоо гарсан” хэмээв.

Т.Мөнхжаргал