УСУГ: 2026 хагас жилийн "Онцлох үйл явдлуудаас"

Монголд анх удаа ундны усыг цэвэршүүлэх том хэмжээний цогц үйлдвэртэй болж, үйл ажиллагааг эхлүүллээ.

Монгол Улсын Засгийн газар, Америкийн нэгдсэн улсын Мянганы сорилтын корпораци хооронд байгуулсан II компакт гэрээний хүрээнд бүтээн байгуулсан “Ус гүн цэвэршүүлэх үйлдвэр”-ийн нээлтийн ёслол зохион байгуулагдаж, Монголд анх удаа ундны усыг цэвэршүүлэх том хэмжээний цогц үйлдвэртэй болж, манай байгууллага хүлээн авч, үйл ажиллагааг эхлүүллээ.

COP-17 гадна инженерийн шугам сүлжээний ажил, ус хангамж ариутгах татуурга, усалгааны системийн ажлыг гүйцэтгэж байна.

Нийслэлийн Засаг даргын 2025 оны 05 дугаар сарын 29-ний өдрийн А/749 дүгээр тушаалын дагуу “Цөлжилттэй тэмцэх тухай Нэгдсэн Үндэстний Байгууллагын Конвенцын талуудын 17 дугаар Бага хурал” (COP17)-ын байгууламж Багц-3 “Гадна инженерийн шугам сүлжээний ажил, ус хангамж ариутгах татуурга, усалгааны системийн ажил гүйцэтгэх “Дугаар:УТ2501300825-003“-тай гэрээ байгуулан ажиллаж байна. Төслийн талбайн цэвэр, бохир усны шугамын угсралтын ажил 100 хувь, шугам хүчитгэх ажил 100 хувь, автозамын сүвэлгээ хийх ажил 100 хувь, усан сангийн ажил хувь, усалгааны гол шугамын угсралт 50 хувийн гүйцэтгэлтэй байна.

Улаанбаатар хотын шинэ цэвэрлэх байгууламжийг байнгын ашиглалтад хүлээж авлаа.

Шинэ цэвэрлэх байгууламжийг хүлээн    авах    туршилт тохируулгын ажлыг 2025 оны 07 дугаар сараас эхлүүлж, 2026 оны 04 дүгээр сарын 23-ны өдрөөс ХЗНС-ын үйл ажиллагааг зогсоон Шинэ цэвэрлэх байгууламжид төвийн ф1200мм-ийн коллекторын бохир усыг бүрэн авч эхэлсэн. Өнөөдрийн байдлаар Шинэ цэвэрлэх байгууламжид хоногт 95-100мян.м3 бохир ус хүлээн авч, хагас жилийн байдлаар 10854756м³ бохир ус хүлээн авахаар төлөвлөн, гүйцэтгэлээр 11746120м³ бохир ус хүлээн аваад байна. 06 дугаар сарын 01-ний өдрөөс ф1400мм-ийн  коллекторын шугамаас хоногт 4500-5000м3 бохир усыг авч эхэлсэн. Мөн лаг боловсруулах байгууламжид (метантенк) 05 дугаар сарын 28-ны өдрөөс эхлэн лаг авч эхлүүлснээр технологийн нийт 21 байгууламжийн туршилт тохируулга хийгдэж байна.

Хаягдал ус дахин боловсруулах үйлдвэрийн туршилт тохируулгын ажил үргэлжилж байна.

Хаягдал усыг дахин боловсруулах үйлдвэр 2026 оны 03 сарын 16-ны өдөр нээлтээ хийн өнөөдрийн байдлаар Шинэ цэвэрлэх байгууламжаас хоногт дунджаар 24000м3-37000м3 усыг хүлээн авч, туршилт тохируулгын ажил үргэлжлэн хийгдэж байна.

Бохир усны Туул-1 коллекторын угсралтын ажил үргэлжилж байна.

Нийслэлийн Засаг даргын 2024 оны 12 дугаар сарын 24-ний өдрийн “Хөрөнгө оруулалтын ажлыг зохион байгуулах тухай” А/1518 дугаар захирамжийг үндэслэн “Бохир усны Туул-1 коллекторын угсралтын ажил гүйцэтгэх” гэрээг байгуулж, 3 болон 4 дүгээр ээлжийн угсралтын ажил төлөвлөгөөний дагуу 2026 оны 03 дугаар сарын 05-ны өдрөөс угсралтын ажлыг эхлүүлэн 4 байршилд угсрахаар төлөвлөж, 1.6км шугамын угсралтыг хийж, 40 хувийн гүйцэтгэлтэй байна. Нийт угсарсан шугамын урт 4км.

Гамшгаас хамгаалал дадлага сургуулилтыг НОБГ-тай хамтран зохион байгуулав.

“Ус хангамж, ариутгах татуургын алба” нь Гамшгаас хамгаалах батлагдсан төлөвлөгөөний хэрэгжилтийг хангуулах танхимын дадлага сургуулилтыг НОБГ-тай хамтран зохион байгуулж, бэлэн байдлын үзлэгт 113 ажилтан албан хаагч, 112 аранз, 113 ажлын тусгай хувцас хэрэгсэл, 44 багаж хэрэгсэл, 25 тоног төхөөрөмж, 12 тээврийн хэрэгсэлтэйгээр оролцлоо.

Байгаль орчны менежментийн тогтолцооны ISO:14001 стандарт.

“Байгаль орчны менежментийн тогтолцооны ISO:14001 стандартыг хэрэгжүүлэх ажлын хүрээнд хогны менежментийг хэрэгжүүлэн байгууллагын хэмжээнд 5 төрлийн хог ангилах гадна хогийн савыг 10 цэг салбарт, дотор хогийн савыг 31 цэг салбарт байрлуулан хогоо ангилан ялгах ажлыг эхлүүлэн хэрэгжүүлээд байна.

Байгууллагын шууд худалдан авалтуудыг www.tenderhub.mn системеер хийхээр боллоо.

Алсын хараа 2050 хөгжлийн бодлогын бичиг баримтын 5-р хэсэг, Монгол Улсын Их Хурлаас 2025 оны 11 дүгээр сарын 28-ны өдөр баталсан “Монгол Улсыг 2026-2030 онд хөгжүүлэх үндсэн чиглэл”-ийн 5 дугаарт тусгагдсан “Төрийн бүтээмж, засаглал, ил тод, хүртээмжтэй байдлыг сайжруулах” ажлын хүрээнд “Цахимаар түрүүнд” зарчмыг бодит ажил хэрэг болгож, байгууллагын шууд худалдан авалтуудаа www.tenderhub.mn цахим системээр дамжуулан хийж гүйцэтгэхээр боллоо.

Байгууллагын засварын нэгдсэн төлөвлөгөөний хэрэгжилт 45 хувьтай үргэлжилж байна.

Байгууллагын хэмжээнд засварын нэгдсэн төлөвлөгөөг 10 зохион байгуулалтын нэгжийг хамруулан 365 ажил төлөвлөн батлуулж, төлөвлөгөөний дагуу 159 ажлыг гүйцэтгэж, хэрэгжилт 45 хувьтай байна.

Галын аюулаас урьдчилсан сэргийлэх сарын аяны хүрээнд.

Гал унтраах анхан шатны багаж хэрэгсэл, галын саравчны иж бүрдлийг хангах, гал унтраагуур ашиглах арга зүйн сургалт зохион байгуулах, галын аюул эрсдэлийн мэдээллийн сан бий болгох, галын гарцын зураглалыг боловсруулах, гал унтраах шуурхай төлөвлөгөө боловсруулах, галын аюул үүсгэж болзошгүй цахилгааны болон бусад 243 аюул зөрчил, гэмтлийг илрүүлэн арилгах зэрэг ажлуудыг хийж гүйцэтгэлээ.

Инженер техникийн ажилтны манлайлал сарын аяны хүрээнд

“Аян зохион байгуулагдах хугацаанд нийт 4 удаагийн сургалтад 225 ИТА хамруулж, “ИТА миний хийх 3 ажил” даалгаврын хүрээнд 15 ЗБН-ийн 68 баг сонгосон 3 ажлынхаа талаар тайлан ирүүлсэн.

ХАБЭА-н сарын аяны хүрээнд

Хөдөлмөрийн аюулгүй байдал, эрүүл ахуйн үйл ажиллагаанд ажиллагсдын оролцоог нэмэгдүүлэх, үр дүнтэй шийдвэр гаргалтыг дэмжих, урам зориг өгөх, багийн ажиллагааг сайжруулах зорилгоор “Нээлттэй асуулт” тойрог хэлэлцүүлэг, 5 Тэг соёлыг идэвхжүүлэх ,“Ажлын байр, Ажлын процесс” сэдэвт шууд дамжуулалт (Live), “Нэг ажилтан-Нэг сайжруулалт” зэрэг 4 төрлийн үйл ажиллагааг зохион байгуулсан.

Эрүүл мэндийн сарын аяны хүрээнд

Аяны хүрээнд байгууллагын 725 ажилтныг Монгол-Японы эмнэлгийн эрүүл мэндийн төвд багц үзлэг шинжилгээнд хамруулсан.

Парк шинэчлэлт хийгдлээ.

Мянганы сорилтын сангийн төслийн хүрээнд 2 бонго автомашин, Захирагчийн ажлын албанаас шугам угаалга хийх, бохир ус сорох тоноглол бүхий тусгай зориулалтын автомашин 1, байгууллагын хөрөнгөөр 6 бонго автомашин худалдан авч парк шинэчлэлт хийгдлээ.

MNS 6561:2024 стандартыг хангуулах талаар сургалт зохион байгууллаа.

Нийслэл хотод машин угаалга болон мах, махан бүтээгдэхүүний чиглэлээр үйл ажиллагаа явуулж буй 104 үйлдвэр, аж ахуй нэгжтэй уулзалт, хэлэлцүүлэг зохион байгуулж, холбогдох хууль эрх зүйн шаардлага, тулгамдаж буй асуудлыг танилцууллаа. Мөн үйлдвэрийн усны хэрэглээ, бохир усны хэмжээг хэрхэн зөв тооцох, урьдчилан цэвэрлэх байгууламжийн технологи ашиглалт, үйлчилгээний талаар гарын авлага, заавар, зөвлөмжийг өгсөн.