Төрийн ордонд

08:00 цагт Засгийн газрын хуралдаан болж байна. 

11:00 цагт Монгол Улсын төрийн дээд шагнал, тэргүүн зэргийн "Чингис хаан" одон хүртээх талаар Ерөнхийлөгчийн Тамгын газраас Ёслол, хүндэтгэлийн "А" танхимд мэдээлэл хийнэ. 

11:00 цагт Жанжин Сүхбаатар танхимд 1992-1996 оны анхны УИХ-ын гишүүдэд хүндэтгэл үзүүлэх арга хэмжээ болно. 

Монголын хүүхдийн ордонд

09:00 цагт Хотын стандартын тогтолцоо, түүний үр нөлөөг иргэд, олон нийтэд сурталчлан таниулах, ойлголт мэдээллийг нэмэгдүүлэх зорилготой "Хотын үйлчилгээ" сэдэвт салбар зөвлөгөөн болно.

White event hall-д

09:00 цагт Барилгын салбар дахь авлигын эрсдэлийн асуудлаар хэлэлцүүлэг болно.

Туушин зочид буудалд

11:00 цагт “Олборлох үйлдвэрлэлийг нээлттэй болгох нь” төслийн дугуй ширээний хэлэлцүүлэг болно.

Авлигатай Тэмцэх Газрын гадна

12:00 цагт 2018 онд Miss Universe тэмцээний ялагчийг хахууль авлигаар тодруулсан байж болзошгүй талаарх мэдээллийг иргэн Солонго олон нийтэд мэдээлнэ. Мөн энэ асуудлаар АТГ-т гомдол гаргана.

Үндэсний мэдээллийн төвд 

12:00 цагт Өмнөговь аймгийн Ханбогд сумын нутаг болон Гашуун сухайт хилийн боомтод ажиллаж амьдарч байгаа жолооч ард иргэдийн эрх ашиг зөрчигдөж байгаа тухай болон мөн КОВИД-19-ийн шинжилгээг хуурамчаар үйлдэж байгааг Монголын жолооч авто тээвэрчдийн ажилчдын үйлдвэрчний эвлэлийн холбооноос баримттайгаар мэдээлнэ.

Авлигатай Тэмцэх Газарт

14:00 цагт Нийгмийн халамж жинхэнэ эзэндээ хүрч байгаа эсэх асуудлаар хэлэлцүүлэг хийнэ. 

Монгол-Японы төвд

14:00-17:00 цагт Их Эзэн Чингис хаан мэндэлсний 860 жилийн ой, "Монгол бахархлын өдөр"-т зориулсан "Чингис хааны эрин" хүндэтгэлийн хурал болно.