Нийслэл Улаанбаатар хотын хэмжээнд авто машины осол, аваараас болж олон хүний амь эрсдэх болсон. Энэ бүхэн жолооч, зорчигчийн анхаарал болгоомжгүй байдлаас үүсдэг. Хэдийгээр ногоон гэрэл, цагаан шугам гэх мэтээр олон нийт, хүүхэд багачуудад замын хөдөлгөөний боловсрол өгөх сургалт, уралдаан тэмцээн зохиогддог ч бодит байдалд өөр хэвээр байна. Замын цагдаагийн газраас “Хөдөлгөөний аюулгүй байдал” хэмээх замын зохицуулагчийг ажиллуулж эхлээд байгаа гэнэ. Харин манай энэ удаагийн ярилцлагын буланд маань сайн дураараа зохицуулагчийн ажлыг хийсэн нэгэн охин уригдсан юм.
-Өглөөний мэнд. Нийгмийн сайн сайхны ажлыг яагаад хийх болов?
-Залуу хүнийхээ хувьд нийгмийн сайн сайхны төлөө заавал нэг зүйл хиймээр санагдсан юм. Тэгээд бодож байгаад Хөдөлгөөний аюулгүй байдлын зохицуулагч хиймээр санагдсан. Учир нь энэ хүмүүс тэсгэм хүйтнийг ажралгүй иргэдийг замын хөдөлгөөнд зөв боловсон оролцуулах, тэдний амь нас эрүүл мэндийн төлөө зогсож байгааг хараад зохицуулагч хийлээ.

Нийслэл Улаанбаатар хотын хэмжээнд авто машины осол, аваараас болж олон хүний амь эрсдэх болсон. Энэ бүхэн жолооч, зорчигчийн анхаарал болгоомжгүй байдлаас үүсдэг. Хэдийгээр ногоон гэрэл, цагаан шугам гэх мэтээр олон нийт, хүүхэд багачуудад замын хөдөлгөөний боловсрол өгөх сургалт, уралдаан тэмцээн зохиогддог ч бодит байдалд өөр хэвээр байна. Замын цагдаагийн газраас “Хөдөлгөөний аюулгүй байдал” хэмээх замын зохицуулагчийг ажиллуулж эхлээд байгаа гэнэ. Харин манай энэ удаагийн ярилцлагын буланд маань сайн дураараа зохицуулагчийн ажлыг хийсэн нэгэн охин уригдсан юм.
-Өглөөний мэнд. Нийгмийн сайн сайхны ажлыг яагаад хийх болов?
-Залуу хүнийхээ хувьд нийгмийн сайн сайхны төлөө заавал нэг зүйл хиймээр санагдсан юм. Тэгээд бодож байгаад Хөдөлгөөний аюулгүй байдлын зохицуулагч хиймээр санагдсан. Учир нь энэ хүмүүс тэсгэм хүйтнийг ажралгүй иргэдийг замын хөдөлгөөнд зөв боловсон оролцуулах, тэдний амь нас эрүүл мэндийн төлөө зогсож байгааг хараад зохицуулагч хийлээ.
-Хэр удаан хийсэн бэ?
-Энэ сарын 16-ны өдөр хоёр цагийн турш хийлээ. Надад маш урт хугацаа мэт санагдсан. Эхний нэг цаг ичээд их эвгүй байсан. хүмүүс надруу хараад шоолоод байгаа мэн санагдсан. Харин сүүлийн нэг цагт бол туршлагажсан шүү. Ажлаа мэдээд, ичихээ больсон.
-Зогсох үед хүндрэлтэй зүйл тохиолдож байна уу?
-Гадаа хасах градусын хүйтэн байхад нэг газраа хөдөлгөөнгүй зогсоход даараад хэцүү байсан. Гэхдээ зам гаргаад өгөөч гээд гуйх өндөр настан, жаахан хүүхдүүдийг хараад даарах хүйтэн алга болж, сэтгэл дулаацсан.
-Ямар нэгэн сонин зүйл тохиолдсон уу?
-Намайг ажлаа хийгээд зогсож байхад нэг надад бээлийгээ өгсөн. Мөн жолооч надад 5000 төгрөг өгсөн. Санаа зовоод аваагүй. Их эвгүй юм байна лээ. Гэхдээ миний хөдөлмөрийн үнэлж байгаад нь их баярласан. Монголчууд их үедээ хүчтэй байдаг.
-Зогсож байхад юу бодогдож байв?
-Замын цагдаа, хөдөлгөөний аюулгүй байдлыг зохицуулагч болон тохижилт үйлчилгээний ажилтнуудыг зовлонг өөрийн биеэрээ мэдэрсэн. Олон ч зүйл бодогдсон. Энэ хүмүүсийг хөдөлмөрийнг үнэлэх ёстой юм. Тухайлбал, гудамж талбайд хог хаяхгүй байх, замын хөдөлгөөнд үүргээ биелүүлж, зөв боловсон оролцох ёстой юм байна гээд олон зүйл толгойд минь бодогдож байсан.
-Цаашид дахиж зогсох уу? Зогсож байхад ийм бодол төрж байна уу?
-Хийнэ гэж бодож байгаа. Энэ талаараа өөрийнхөө “facebook”  хуудаснаа бичихэд олон хүмүүс дэмжиж, урам зориг өгсөн. Тийм учраас үеийн найз нөхдөө уриалаад зогсоно гэж бодож байгаа.
-Замын хөдөлгөөний дүрмийг монголчууд хэрхэн баримталж байна вэ?
-Миний үеийн залуучууд замын хөдөлгөөний дүрэм гэдгийг мэдэхгүй, мөрдөхгүй байгаад сэтгэл их эмзэглэсэн. Улаан гэрэл асаад зогс гэдэг тэмдэг өргөсөөр байхад шууд гараад явчихдаг. Түүнийг дагаад бусад нь ч гэсэн гардаг. Гэтэл нас тогтсон болон бага насны хүүхдүүд хэдий яарч байгаач  гэсэн заавал гэрэл асахыг  хүлээдэг. Яарч байгаа ажилтай ч ганц хоёр секундын ялгаа байхгүй шүү дээ. Ганц хоёр секунд хүлээснээрээ өөрөө болон бусдын амь нас эрүүл мэндийг хамгаалж байгаа. Үүнийг ойлгох хэрэгтэй юм байна дээ. Хотын соёл хэмээн яриа дуртай залуучууд энгийн нэгэн хотын соёлыг биелүүлж чадахгүй байгаад сэтгэл их гонсойсон.
-Залуучууддаа хандаж юу гэж хэлэх вэ?
-Нийгмийн ихэнх хэсгийг бүрдүүлж байгаа залуучуудаас бүх л зүйл шалтгаалдаг юм билээ. Хотын соёлыг хоосон ярьж байхын оронд адаглаад хөтлөөд яваа дүү, хажууд байгаа буурлаасаа замын хөдөлгөөний соёлыг суралцах юм шүү.