Улаанбаатар хотын гэр хорооллын 16 байршилд бичил цэцэрлэгт хүрээлэн байгуулахаар болсон. Тус ажлын хүрээнд Сонгинохайрхан дүүрэгт дараах 5 байршилд бичил цэцэрлэгт хүрээлэн байгуулахаар зураг төсвийн ажил хийгдэж байна. Тухайлбал, Сонгинохайрхан дүүргийн 25 дугаар хорооны Хайрхан 7 дугаар гудамж 1000м.кв, Сонгинохайрхан дүүргийн 2 дугаар хорооны 2 дугаар гудамж тохижилт 200м.кв, Сонгинохайрхан дүүргийн 33 дугаар хорооны 122 дугаар сургуулийн урьд талд 8000 м.кв, Сонгинохайрхан дүүргийн 24 дугаар хорооны Бумбатын ам 1000м.кв, Сонгинохайрхан дүүргийн 33 дугаар хорооны Тахилтын эцэст 14 дүгээр гудамжинд 2100м.кв талбайд цэцэрлэгт хүрээлэн байгуулах юм байна.