Сонирхогчдын сүмо бө­­хийн дэлхийн аварга шал­­­га­­руу­лах тэмцээн өн­гөр­­сөн бямба гарагт Хонг Хон­год амжилттай болж, өндөрлөлөө. Өсвөр үеийн эмэгтэй сүмочдын 3, эрэг­тэй­чүүдийн 11, насанд хү­рэгч эмэгтэйчүүдийн 9, эрэг­тэйчүүдийн 18 дахь дэлхийн аварга шалгаруулах тэмцээн давхцаж байгаагаараа энэ жилийн тэмцээн өмнөх жи­лүүдийнхээс онцлог болсон.

Монголын сүмо бө­хийн холбооны ерөнхий на­рийн бичгийн дарга Ө.Төгөлдөр, шигшээ багийн дасгалжуулагч Ц.Шийрэв, Ц.Мягмарсүрэн нарын ахал­сан манай баг тус тэмцээнд тун ч амжилттай оролцжээ. Манай тамирчдаас анх удаа дэлхийн дөрвөн аварга мэн­дэлж, найман хүн мөнгө, хүрэл медалиар энгэрээ мя­лаасан байна. Тодруул­бал, насанд хү­рэгчдийн эрэг­­­­тэй­чүүдийн 85 кг-ын жинд Р.Гантөгс алт, эмэгтэй­чүүдийн 80 кг-д О.Мөнхцэцэг, +80 кг-д Х.Сүнжидмаа мөн­гө, эрэгтэйчүүдийн +115 кг У.Бямбажав болон баг­ийн төрөлд хүрэл, өсвөр үеийнхний хөвгүүдийн -100 кг-д Б.Серик, +100 кг-д Д.Аззаяа алт, 80 кг-д Ц.Анхбаяр, үнэмлэхүйд Н.Төрболд мөнгө, охидын +75 кг-д Н.Сэлэнгэ болон багийн төрөлд хүрэл ме­даль хүртжээ.