Баянгол дүүргийн Засаг дарга Л.Амгаланг огцруулах асуудлыг маргааш дүүргийн ИТХ-аар дахин хэлэлцэхээр болсон гэсэн мэдээлэл чих дэлслээ. Засаг даргыг огцруулах бичигт дүүргийн ИТХ-ын төлөөлөгчдийн 12 нь гарын үсэг зурсан байна. Тиймээс ИТХ-ыг маргааш хуралдуулж эл асуудлыг авч хэлэлцэхээр болжээ.
Тэрбээр 2008 оны арваннэгдүгээр сарын 6-нд Засаг даргын албыг авсныхаа дараахан төрийн албан хаагчдыг өөрийн дураар халж сольсон гэх хэл ам таталж, багагүй гомдол чирэгдэл үүсгээд амжсан билээ. Үүнээс хойш албан тушаалын наймаа, төсвийн хөрөнгийг зориулалт бусаар зарцуулсан, хөрөнгө орлогоо мэдүүлэхгүй нуусан гэсэн асуудалд ч орооцолдсон.

Баянгол дүүргийн Засаг дарга Л.Амгаланг огцруулах асуудлыг маргааш дүүргийн ИТХ-аар дахин хэлэлцэхээр болсон гэсэн мэдээлэл чих дэлслээ. Засаг даргыг огцруулах бичигт дүүргийн ИТХ-ын төлөөлөгчдийн 12 нь гарын үсэг зурсан байна. Тиймээс ИТХ-ыг маргааш хуралдуулж эл асуудлыг авч хэлэлцэхээр болжээ.
Тэрбээр 2008 оны арваннэгдүгээр сарын 6-нд Засаг даргын албыг авсныхаа дараахан төрийн албан хаагчдыг өөрийн дураар халж сольсон гэх хэл ам таталж, багагүй гомдол чирэгдэл үүсгээд амжсан билээ. Үүнээс хойш албан тушаалын наймаа, төсвийн хөрөнгийг зориулалт бусаар зарцуулсан, хөрөнгө орлогоо мэдүүлэхгүй нуусан гэсэн асуудалд ч орооцолдсон.
Хөрөнгө орлогоо нуучихаад “мартсан байна” гэж тайлбарлаж байсан түүний эл үйлдэл албан тушаалаас нь огцруулах үндэслэл болох байсан ч тухайн үеийн хотын удирдлагууд Баянгол дүүргийн Засаг даргыг авч үлдсэн юм. Уг нь Авлигын эсрэг хуулийн 13 дугаар зүйлийн 13.5-д зааснаар хөрөнгө орлогоо худал мэдүүлсэн бол албан тушаалаас нь огцруулах, түдгэлзүүлэх, халах арга хэмжээ авах ёстой. Гэвч хотын дарга зөвхөн цалингийн хувиар торгох арга хэмжээ аваад өнгөрсөн.
Харин өнгөрөгч есдүгээр сарын эхээр Баянгол дүүрэгт олныг цочирдуулсан осол гарч, хоёр ч хүүхдийн амь хохирсон нь Засаг даргаас хариуцлага нэхэхэд хүргэсэн. Эргэн сануулахад, тус дүүргийн тавдугаар хорооны нутагт баригдаж байсан барилгын кран нурж 12 настай охин амиа алдсан бол, үүнээс хоёр хоногийн дараа аравдугаар хороо, 13 дугаар сургуулийн урд зам дээр бага ангийн охин машинд дайруулж амиа алдсан. Зөвшөөрөлгүй баригдаж байсан барилгын кран унаснаас, сургуулийн орчны аюулгүй байдлыг хангаагүйгээс хоёр хүүхэд хорвоогоос эрт буцсан энэхүү ослын хариуцлагыг дүүргийн Засаг дарга болон Мэргэжлийн хяналтын газрын дарга хүлээх ёстой гэдэг байр суурийг хотын захирагч илэрхийлж огцруулах албан бичгийг хүргүүлсэн билээ.

Энэ дагуу дүүргийн ИТХ асуудлыг хэлэлцээд Засаг дарга Л.Амгалан буруугүй хэмээн үзэж суудалд нь хэвээр үлдээсэн юм. Гэхдээ санал хураах явцад будилаан гарсан гэж тухайн үед хэл ам таталсан ч тэгсгээд намжсан. Харин одоо Засаг даргыг огцруулах асуудал дахин босч ирлээ. Баянгол дүүргийн ИТХ 35 төлөөлөгчтэй. Одоогоор тэдний 12 нь Засаг даргаа огцруулж хариуцлага тооцохоор гарын үсэг зурсан гэсэн мэдээлэл байна. Тэгэхээр маргааш хуралдах ИТХ нэлээд халуухан уур амьсгалтай болох нь тодорхой.