УИХ дахь "Шударга ёс" эвслийн бүлэг хуралдаж, Монголбанкнаас барьж буй мөнгөний бодлого болон 2013 оны Төсвийн төслийг энэ долоо хоногт батлахаар ажиллаж байгаатай холбогдуулан хэд хэдэн асуудлыг хэлэлцжээ.

Бүлгийн хуралдаанд Монголбанкны дэд ерөнхийлөгч Э.Батшугар болон бусад албаны хүмүүс 2013 онд төрөөс баримтлах мөнгөний бодлогыг хэрхэн зохицуулах, инфляцийг хэрхэн бууруулах зэрэг арга хэмжээг авч ажиллаж байгаа талаараа мэдээлэл хийсэн бөгөөд инфляцийг нэг оронтой тоонд барьж найман хувьд хүргэхээр ажиллаж байгаа хэмээн мэдэгдсэн байна.