Авлигатай тэмцэх газрын мөрдөн байцаагчид өчигдөр Хууль зүйн дэд сайд Э.Эрдэнэжамъяанаас байцаалт авах гэж оролдсон тухай мэдээлэл шуугиан дэгдээгээд байгаа. Дэд сайд Э.Эрдэнэжамъяан Интерполын ерөнхий нарийн бичгийн даргад захидал хүргүүлсэн. Иймд АТГ-аас түүнд өнөөдөр эрүүгийн хэрэг үүсгэсэн билээ.
Иймд тэрбээр энэ талаар  хэвлэлийн бага хурал зарласан юм.
-АТГ-аас танд эрүүгийн хэрэг үүсгэсэн гэсэн?
-Өнөөдөр надад 14.00 цагийн АТГ-аас сэжигтнээр татах зарлан дуудах хуудас өгсөн.

Авлигатай тэмцэх газрын мөрдөн байцаагчид өчигдөр Хууль зүйн дэд сайд Э.Эрдэнэжамъяанаас байцаалт авах гэж оролдсон тухай мэдээлэл шуугиан дэгдээгээд байгаа. Дэд сайд Э.Эрдэнэжамъяан Интерполын ерөнхий нарийн бичгийн даргад захидал хүргүүлсэн. Иймд АТГ-аас түүнд өнөөдөр эрүүгийн хэрэг үүсгэсэн билээ.
Иймд тэрбээр энэ талаар  хэвлэлийн бага хурал зарласан юм.
-АТГ-аас танд эрүүгийн хэрэг үүсгэсэн гэсэн?
-Өнөөдөр надад 14.00 цагийн АТГ-аас сэжигтнээр татах зарлан дуудах хуудас өгсөн.
-Хуудаст ямар зүйл ангилалаар дуудаж байгаа юм бол. Энэ талаар дурдсан байна уу?
-Үгүй ээ. Зүгээр л сэжигтнээр татаж байна гэсэн байсан.
-Интерпол руу ийнхүү захиаг өөрийн дэд сайдын зүгээс бичсэн үү?
-Тийм ээ. МАХН-ын гишүүн, Хууль зүйн дэд сайд гэж бичсэн.
-Интерпол руу захиа бичсэн нь хууль зөрчсөн үйлдэл юм биш үү?
-Үгүй ээ. Би хууль зөрчөөгүй. Ямар ч хүн захиа бичиж болно. Тус байгууллагын албан ёсны сайт дээр ч энэ талаар байгаа. Харин манай хууль хяналтын байгууллагыг хууль зөрчихөөс хамгаалж байгаа юм.
-Ямар хууль зөрчиж байгаа гэж?
-Интерпол бол олон улсын цагдаагийн байгууллага. Тэд өөрсдийн гэсэн хууль тогтоомжтой. Тэрхүү хуулиндаа Интерпол нь хүний эрх чөлөө, арьс өнгөөр ялгаварлан гадуурхсан, шашин шүтлэгтэй холбоотой болон тухайн улс орны улс төрийн шинжтэй хэрэгт оролцохгүй гэж заасан байдаг. Иймд би энэхүү хэрэг нь улс төрийн зорилготой эсэх талаар шинжээч явуулаач гэсэн захиа бичсэн. Харин  Интерпол хариу илгээсэн. Тэд өөрсдийн салбар газартаа үүнийг хянаж, шалга гэсэн хариу ирүүлсэн юм шиг байна лээ. Гэтэл энэ хэрэгт АТГ оролцож байгаа буруу юм. Хэрвээ энэ нь улс төрийн зорилготой хэмээн тогтоогдвол АТГ том байгууллагыг асуудалд оруулцсан хэрэгт унана.
-Хэзээ захиа явуулсан юм бэ?
-Арав гаруй хоногийн өмнө.