Улсын дуурь, бүжгийн эрдмийн театрынхан өнөөдөр өглөө хүндэт зочдыг хүлээж авлаа. Оросын балетын одод, “Большой театр”-ын уран бүтээлчид өнөөдөр 12.00 цагт хэвлэлийн хурал хийх бөгөөд орой 18.00 цагт бэлтгэлдээ орох юм байна.

Оросын балетын урлагийн шилдгүүд болох 16 балетын гоцлоочид ДБЭТ-ын захирал, хатагтай Б.Сэргэлэнгийн урилгаар ирээд байгаа юм. Уран бүтээлчдийг “РУС АРТ” продюссерийн компанийн захирал, хадагтай Анастасия Коваленко тэргүүлж иржээ. Тэд ирэх арваннэгдүгээр сарын 2-нд ДБЭТ-ын тайзнаа ганцхан удаа гала тоглолтыг хийх юм.