Reuters агентлагийн сурвалжлагч  цаазаар авч буй бичлэг олжээ. Кабулаас 100 орчим километр газарт энэ жигшүүрт явдал болсон байна. Талибууд Нажиба хэмээх залуухан афган бүсгүйг хүчирхийлснийхээ дараа хэргээ нуун дарах гэж түүнийг ариун бус явдалтай хэмээн гүтгэж, олны өмнө цаазаар аваачжээ. Жалганы ирмэг дээр суугаа бүсгүйг 150 орчим хүний өмнө буудан хороохын өмнө талибууд мөргөл хийж байна. Энэ аймшигт шүүх болсон Парван мужид Америкийн цэргийн томоохон бааз байдаг бөгөөд хэдхэн өдрийн өмнө тус мужийн захирагч Абдул Башир Саланги Афганистаны хамгийн аюулгүй, Талибанаас ангид бүс гэж нутгаа зарлаж байсан юм.

  Дарван муж руу америк цэргүүд болон олон улсын энхийг сахиулагчид нэвтэрч аллагын эздийг мөшгин хайж байна. Харин Талибаны зүгээс өөрсдийгөө энэ хэргэгт холбоогүй хэмээн мэдэгджээ. Хөөрхий бүсгүйг өөрсдийн шүүхээр оруулсан хоёр хүн нь шариатын хууль зөрчсөн тул Талибан хүлээн зөвшөөрөхгүй байх нь аргагүй гэж ажиглагчид үзэж байна. Сайн дурын шүүх зохион байгуулж, хүний аминд хүрсэн хүмүүсээ исламист бүлэглэлийн толгойлогч Мурза Хан буудан хороосон гэх мэдээлэл ч байна.