Солонгосын “Нонг шим” брэндийн бэлэн гоймонгоос бензоприн хэмээх бодис илэрч Азийн орнууд тус бүтээгдэхүүнийг худалдаанаас татаад байсан билээ. Үүнтэй холбогдуулан ШӨХТГ-аас манайд импортлогч “Грийн сити” компанийн үйл ажиллагааг түр хугацаагаар зогсоож, уг гоймонг худалдаанд гаргахыг хориглосон. Тус гоймонгоос илэрсэн гэх бензоприн бодисыг манай улсад шинжлэх боломжгүй учир Солонгост шинжлүүлсэн билээ. “Нонгшим” дотроо олон төрөлтэй байдаг бөгөөд тэдгээрээс бензоприн илэрсэн зургаан төрлийн гоймонг худалдаанд гаргахгүй гэсэн шийдвэр гаргажээ. Харин бусад төрлийнх нь гоймонг худалдахыг зөвшөөрсөн байна. Цаашид ч бензоприн илэрсэн гэх гоймонг манайх оруулж ирүүлэхгүй гэж ШӨХТ-аас хэлсэн байна.
"Грийн сити" компанийн хувьд "Нонг шим  группын Хятад дахь салбараас бүтээгдэхүүнээ оруулж ирдэг байна. Хятад улсад үйлдвэрлэсэн гоймонгоос бензоприн гэх бодис илээргүй. Шинжилгээнд бүрэн хамрагдаж, эрүүл ахуйн стандартад нийцсэн тухай Хятад дахь үйлдвэрийн дүгнэлт ирсэн аж.