Засгийн газрын хуралдаанаас гаргасан шийдвэрийг танилцуулж байна. Энэ үеэр Уул уурхай хүнд үйлдвэрийн сайд Г.Ганбаатар дараах мэдээллийг өглөө. 

Тэрбээр "Засгийн газрын шийдвэрээр Ховд аймгийн Мянгат сумын нутагт орших Халзан бүргэдэй ордод хамаарах хоёр тусгай зөвшөөрөлтэй холбоотой асуудлыг хууль тогтоомжийн дагуу судалж, арга хэмжээ авахыг даалгалаа.

Халзан бүргэдэй ордын тухай товч мэдээлэл

Халзан бүргэдэй орд нь Ховд аймгийн Мянгат суманд оршдог. Тус ордод хоёр тусгай зөвшөөрөлтэй. Эзэмшигч нь Mongolian National rare earth" компани байна. Энэ компанийн 100 хувийн хувьцааг Худалдаа хөгжлийн банк эзэмшиж байна. Улсын бүртгэлийн газрын ховор элмент гэсэн ангилалд бүртгүүлсэн. 268 сая тонн хүдэртэй. Монгол Улсын хувьд том хэмжээний орд юм. 

Уул уурхай, хүнд үйлдвэрийн яамнаас 2023 оны дөрөвдүгээр сарын 29-ны өдөр дотоод хяналт шалгалт явуулаад, үйл ажиллагааг түр зогсоох тухай агт гарсан.

Тухайлбал дараах зөрчлүүд гарсан байж болзошгүй байна. 

• Байгаль орчны менежментийн төлөвлөгөөг БОАЖЯ-аар батлуулаагүй
• Хайгуулын үйл ажиллагааг шаардлагтай усыг Ховд голоос зөөвөрлөн ашиглахаар дүгнэлт гаргаж, гэрээ байгуулсан ч гүний ус ашигласан байх магадлалтай
• Орон нутагтай хамтран ажиллах гэрээ байгуулаагүй байх магдаллатай

Хэдийгээр ийм агт тавигдаад байсан ч үйл ажиллагаа нь явагдаж байсан тул өнөөдөр засгийн газраас ийнхүү шийдвэр гаргалаа. Иргэдэд олборлолт явуулж буй мэт сэтгэгдэл төрүүлсэн байна" гэв. 

Д.Батчулуун