Монголын парламентад хоёронтаа сонгогдон, элчин сайд, Засгийн газрын гишүүн, төрийн сайд хийж, Шадар сайд хийж яваа эрхэм Д.Тэрбишдагвын 24 баримтыг хүргэж байна.
   Монголын парламентад хоёронтаа сонгогдон, элчин сайд, Засгийн газрын гишүүн, төрийн сайд хийж, Шадар сайд хийж яваа эрхэм Д.Тэрбишдагвын 24 баримтыг хүргэж байна.

 1.    Д.Тэрбишдагва 1955 онд Архангай аймгийн Эрдэнэмандал суманд төрсөн.
2.    Тэрээр оюутан байхдаа С.Баасанхүү гэдэг бүсгүйтэй танилцсан нь ирээдүйн эхнэр нь байсан аж.
3.    Ам бүл дөрөв. Эхнэр, хүү, охинтойгоо амьдардаг.
4.    Тэрээр 1990 он гартал эхнэр хүүхдүүдийн хамт Германд амьдарч байв.
5.    1974 онд Нийслэлийн 10 жилийн 12 дугаар дунд сургууль, 1982 онд ХБНГУ-ын Гумбольдтын Их Сургуулийг хүнсний инженер- технологич мэргэжлээр, 1992 онд ХБНГУ-ын Берлин хотын Техник, эдийн засгийн институтийг менежментийн удирдлагын мэргэжлээр төгсжээ.
6.    1982-1983 онд Улаанбаатар мах консервын комбинатад цехийн мастераар ажлын гараагаа эхэлж, 1983-1984 онд тус комбинатад үйлдвэрийн технологич, 1984-1986 онд ерөнхий технологич, 1986-1988 онд үйлдвэрийн даргын албыг хашиж байсан аж. Мөн 1988-1990 онд Германы Чөлөөт Залуучуудын дээд сургуульд орчуулагч багш, 1992-1994 онд тус улсын Бернау хотын захиргаанд ахлах мэргэжилтэн, 1994-2000 онд “ТБД Андууд” ХХК-ий ерөнхий захирал, 2000-2002 онд Хүнс, хөдөө аж ахуйн дэд сайдын албыг хашиж байв. Түүнчлэн 2002-2004 онд Монгол Улсаас ХБНГУ-д суугаа Онц бөгөөд Бүрэн эрхт элчин сайдаар томилогдож, 2004-2008 онд Монгол Улсын Их Хурлын гишүүн, 2004-2007 онд Монгол Улсын Засгийн газрын гишүүн, Хүнс, хөдөө аж ахуйн сайдаар ажиллаж байжээ.
7.    Англи,  герман, орос хэлтэй.
8.    Тэрээр Н.Энхбаяр засаглаж, С.Баяр даргалж ахуй цагт тэрээр ямар ч “эсэргүү” бүлэглэлд оролгүй, “эвсэлд үл нэгдэж” байсан юм. Салбарынхаа ажлыг мэддэг, бүтээлч, сайн сайд байсан гэж яамныхан нь түүнийг одоо болтол магтан дурсдаг.
9.    2004 оны сонгуулиар тэрээр МАХН-аас парламентад сонгогдон Ц.Элбэгдоржийн тэргүүлсэн эвслийн засгийн газарт Хүнс, хөдөө аж ахуйн сайд болсон нь олон хүний гайхшрал төрүүлэв. Гайхаагүй ганц хүн нь түүнийг энэ ажилд түлхсэн Н.Энхбаяр байлаа.
10.    Тэрээр Сонгинохайрхан дүүрэг хэмээх тун эвгүй тойргоос хоёр ч удаа УИХ-д сонгогдож чадсан нэгэн.
11.    Өнгөрсөн гуравдугаар сараас эхлэн түүнийг МАН-аас гарч, МАХН-д элсэнэ гэх яриа гарсан ч тэрээр эрс үгүйсгэж байсан.
12.    Харин 2012 оны дөрөвдүгээр сарын 13-нд МАХН-ын дарга Н.Энхбаярыг баривчлах үеэр тэрээр Н.Энхбаярын гэрт очсон байв.
13.    Тухайн үедээ “Хүнийхээ хувьд хань болох гэж очсон” гэх тайлбарыг өгч байсан ч одоо харахад улс төрийн зорилготой байжээ.
14.    Учир нь тэрээр удалгүй МАН-аас гарч, МАХН-д элссэн юм.
15.    МАХН-д элссэний дараахан тэрээр МАХН-ын дэд даргаар сонгогдов.
16.    Мөн 2012 оны УИХ-ын сонгуульд “МАХН-МҮАН”-ын “Шударга ёс” эвслээс Сонгинохайрхан дүүрэгт нэр дэвшив.
17.    Тэрээр УИХ-ын чуулганы хуралдаанд МАХН-ын дарга Н.Энхбаяраас болж, Ц.Нямдорж гишүүнтэй хэрэлдэн, УИХ-ын гишүүн Ц.Нямдоржийг “Ц.Нямдорж гэдэг юм орой болгон зурагтын нэвтрүүлэгч шиг гарах боллоо.  Чиний зөв, миний зөв ч гэнэ үү. Өмнө нь шударга хүний дүр эсгэхэд нь итгэдэг байсан бол одоо юу ч ярьсан хүмүүс итгэхээ больсон. Хүн зөнөхөөрөө ийм болдог байх. Улс төрийн зөнөглөл гэж энэ байх” гэж байв.
18.    Харин үүний хариуд УИХ-ын гишүүн Ц.Нямдорж “Намаасаа урвасан урвагч. Шадар сайд болохын тулд эзнээсээ урвасан. Удахгүй Н.Алтанхуягаас урвана” гэж байлаа.
19.    Харин тэрээр шинэчилсэн Засгийн газар байгуулагдахад Шадар сайдаар томилогдон ажиллаж байгаа юм.
20.    Түүнийг албан тушаал, эрх мэдэлд хэт шунахайран Н.Энхбаяр даргыгаа хаясан “урвагч” хэмээн шүүмжилдэг.
21.    Мөн Н.Энхбаярыг хаясныхаа хариуд, АН-тай хамтарч Засгийн газарт орох гэрээ байгуулсныхаа дараа дүүгээ нийслэлийн засаг дарга Э.Бат-Үүлийн зөвлөх болгоод амжсан гэдэг. Э.Бат-Үүлийн Үйлдвэрлэл экологийн асуудал хариуцсан орлогчоор томилогдсон Д.Пүрэвдаваа нь Д.Тэрбишдагва гишүүний төрсөн дүү аж.
22.    Гэхдээ тэрээр МАХН-аас УИХ-д суугаа гишүүдтэйгээ нийлэн, Н.Энхбаярын асуудлаар Интерполд захиа явуулж байсан билээ.
23.    Мөн засгийн газарт Худалдан авах ажиллагааны газрыг шинээр нэмэхэд Ерөнхий сайд Н.Алтанхуягтай булаацалдсан гэдэг.
24.    Хамгийн сүүлд түүнийг өнгөрсөн долоо хоногт Н.Энхбаярын асуудлаас болж, Ерөнхий сайд Н.Алтанхуягтай гар зөрүүлсэн гэх яриа Төрийн ордонд тарсан билээ.