Гурван шатны шүүхээс гэм буруутай нь нотлогдоод буй МАХН-ын дарга Н.Энхбаярын хэрэгт хамааралтай хүмүүсийг Интерполоор эрэн сурвалжилж байгаа. Тодруулбал, түүний төрсөн дүү Н.Энхтуяа, БОНХ-ийн дэд сайд Б.Тулгын ах Б.Хуяг нарыг түүний хэрэгт хамааруулан эрэн сурвалжлахыг АТГ-аас хүссэн юм. Харин өнгөрсөн аравдугаар сард Хууль зүйн дэд сайд Э.Эрдэнэжамьяан тэднийг эрэн сурвалжлахыг зогсоохыг хүссэн агуулгатай захидлыг Интерполд илгээсэн. Ингэснээр тэрээр мөрдөн байцаах ажиллагаанд саад учруулсан, эрх мэдлээ урвуулан ашигласан хэрэгт буруутган шалгагдаж байгаа билээ.
Мөн түүний илгээсэн захидлаас болж, Н.Энхтуяа, Д.Хуяг нарыг эрэн сурвалжлах эсэхээ эргэн харахаар болсноо Интерполоос манай талд мэдэгдсэн. Харин зарим хэвлэлээр тэдний эрэн сурвалжлах ажлыг зогсоосон хэмээн хэвлэлээр бичжээ. Энэ талаар АТГ-ын Мөрдөн шалгах хэлстийн дарга Э.Амарбатаас тодруулахад “Тэдний эрэн сурвалжлах ажиллагааг зогсоогүй. Үргэлжлүүлэн хайж байгаа” гэлээ.
Б.Чимэг
Сэтгэгдэл (26)