МАХН-ын дарга Н.Энхбаярын биеийн байдал муу байгаа. Тиймээс өнгөрсөн наймдугаар сарын 17-ноос хойш Сайд нарын гэгдэх хоёрдугаар эмнэлэгт хэвтэн эмчлүүлж байгаа юм. Түүнийг дөрвөн сар гаруйн хугацаанд эмнэлэгт хэвтэж байгаа учраас ялаас чөлөөлөгдөх нь гэж иргэд хардаж байсан.
    МАХН-ын дарга Н.Энхбаярын биеийн байдал муу байгаа. Тиймээс өнгөрсөн наймдугаар сарын 17-ноос хойш Сайд нарын гэгдэх хоёрдугаар эмнэлэгт хэвтэн эмчлүүлж байгаа юм. Түүнийг дөрвөн сар гаруйн хугацаанд эмнэлэгт хэвтэж байгаа учраас ялаас чөлөөлөгдөх нь гэж иргэд хардаж байсан. Гэвч тэрээр өөрөө биеийн байдлаас болж, ялаас чөлөөлөгдөхгүй, хэргийг нь хэрэгсэхгүй болгосон цагт л суллагдана гэж мэдэгдэж байсан юм. Н.Энхбаярын ямар өвчин туссан онош өнөөдрийг хүртэл тодроогүй байсан. Эрүүл мэндийн сайд Н.Удвалын мэдэгдсэнээр, Монголд байхгүй өвчин туссан гэдэг. Харин өнөөдөр түүнийг эмчлэхэд оролцсон комиссын бүрэлдэхүүн мэдээлэл хийлээ. Бүрэлдэхүүнд багтсан МУ-ын Шинжлэх ухааны академийн академич Н.Цэрэндаш “ Өвчтөн Н.Энхбаярын оношийг тогтоосон. Хуурай өлсгөлөнгийн хамгийн дээд тал нь арван хоног байдаг. Харин Н.Энхбаярын хувьд 11 хоногийн турш хуурай өлсгөлөн зарласан. Тиймээс архаг хордолтод орсон гэсэн онош гаргасан” гэв. Биеийн байдал нь эрс муу хэмээн мэдэгдсэн учир цаашид ялаа эдлэх боломжтой юу гэсэн асуултад “Цаашид цагдан хорих боломжгүй гэж бид бодож байна” гэсэн хариулт өглөө.