Өчигдөр Египетийн Үндсэн хуульд өөрчлөлт оруулах эсэх асуудлаар олон нийтийн санал асуулгын анхны шат явагдаж дууслаа. Санал хураалт орон нутгийн цагаар 11 цагт дуусах байсан ч, хойшилж 7 цагт өндөрлөсөн байна. Санал хураалтын тооллого дөнгөж эхэлж байгаа ч иргэдийн ихэнхи нь Үндсэн хуулиа өөрчлөх хүсэлтэй байгаа гэдгийг ажиглагчид хэлж байгаа юм. Үндсэн хуулийг өөрчлөх эсэх дээр тус улсын иргэд хоёр хуваагдаж, Ерөнхийлөгч Мохамед Мурсиг эрсэгүүцэгчид үймээн гаргаад байгаа. Тиймээс өчигдөр 120 мянган цагдаа, цэргийнхэн хамгаалалтанд гарчээ.
   Египетийн ерөнхийлөгч Мохамед Мурси өөрийнхөө эрхийг нэмэгдүүлэх болон исламист зан, үйлийг баталгаажуулсан олон заалтыг Үндсэн хуулиндаа оруулахаар зэхэж байгаа юм. Хэрэв египетүүд Үндсэн хуулиа Мурсигийн хүссэнээр өөрчилвөл жинхэнэ исламист орон болж хувирна гэж зарим олон улсын шинжээчид үзэж байна. Ингэснээр анх удаа ардчилсан ерөнхийлөгчтэй боллоо гэгдэж байсан Египетэд дахин нэг хүн, нэг намын дарангуйлал тогтох магадлалтай гэж үзэж байгаа учраас олон мянган хүн түүнийг эсэргүүцэж, жагссан юм. Өнгөрсөн долоо хоногт гэхэд энэ зөрчилдөөнөөс болж 7 хүн амиа алдаж, олон зуун хүн шархдаад байна.