Байгаль орчин ногоон хөгжлийн яамнаасан хийх тусгай хуваарь хийдэг байсныг болиулж байгаа аж. Харин тухайн орон нутгийн иргэдийн нөхөрлөлүүдийн агнахад тохиромжтой гэж үзсэн аргал, угалзын  тоонд үндэслэн салбарын сайд хуваарь хийхээр бослон байна. Тухайлбал, тухайн аймаг, сумдын нөхөрлөлөөс энэ жил хэдэн тооны угалз хөгширсөн гэж бүртгэсэн байна, түүнд нь үндэлэн агнах тоог гаргах аж. Агнуурын компаниудын хувьд тухайн орон нутагт тодорхой хэмжээний хөрөнгө оруулалт хийхээр иргэдийн нөхөрлөлтэй гэрээ байгуулсны дараа яаманд батлуулах ёстой гэнэ. Гэхдээ тухайн нутаг дэвсгэр болон улсын хэмжээний ан агнуурын нөөцийг яамны мэргэжилтэн шинжлэх ухааны үндэслэлтэй тогтоох аж. Мөн тус яамнаас анчдад тусгай үнэмлэх олгох журмыг боловсруулж эхэлжээ. Анчин нь газар нутаг, уул усаа сайн мэддэг, сүргийн бүтцийг хараад таньж мэддэг чадвартай байж ан агнах эрхийн үнэмлэх авах юм байна.