Зургаадугаар сард болох спортын томоохон тэмцээн уралдааны хуваарийг хүргэж байна.
-Монголын хүүхдийн спортын VIII наадам үргэлжилнэ-
Улаанбаатар хотын 19 байршилд Монголын хүүхдийн спортын VIII наадам тавдугаар сарын 28-наас зургаадугаар сарын 6-ны өдрүүдэд болж байна. Наадмын шигшээ шатанд 21 аймаг, есөн дүүргийн 6120 тамирчин 31 спортын төрлөөр 271 багц медалийн төлөө өрсөлдөж байгаа юм.
-Жүдо бөхийн ДАШТ энэ сарын 13-нд эхэлнэ-
Жүдо бөхийн насанд хүрэгчдийн дэлхийн аварга шалгаруулах тэмцээн энэ сарын 13-нд эхэлнэ. Тус тэмцээнд одоогоор 85 орны 490 гаруй жүдоч зодоглохоор мэдүүлэг өгчээ. Манай улсаас үндэсний шигшээ багийн ахлах дасгалжуулагч У.Эрдэнэбаатар, дасгалжуулагч М.Бундмаа, Ч.Болдбаатар, Г.Болдбаатар, П.Нямлхагва, Б.Хишигбаяр нарын удирлагад эрэгтэй, эмэгтэй тус бүр зургаан жинд 18 тамирчнаа илгээхээр болжээ. ДАШТ-д чансаагаар эхний 100-д багтсан тамирчид оролцох эрхтэй болдог юм.
Эрэгтэй
- 60 кг: Э.Ариунболд /ДАШТ-ий мөнгөн медальт/, К.Ёолк
- 66 кг: Ё.Басхүү /ДАШТ-ий хошой хүрэл медаль/, Б.Эрхэмбаяр
- 73 кг: Л.Анхзаяа /ДАШТ-ий хүрэл медальт/, О.Уранбаяр-73кг
- 81 кг: О.Шинэбаяр
- -100 кг: Б.Хүдэрчулуун
- +100 кг: Б.Гончигсүрэн
Эмэгтэй
- 48 кг: Г.Наранцэцэг, Ж.Анударь /Өсвөрийн ДАШТ-ий мөнгөн медальт/
- 52 кг: Л.Сосорбарам
- 57 кг: Т.Ариунзаяа /Өсвөрийн ДАШТ-ий алтан медальт/
- 63 кг: Л.Энхрийлэн /ДАШТ-ий хүрэл медальт/, Б.Ганхайч
- 70 кг: Д.Есүй, Б.Ням-Эрдэнэ
- +78 кг: А.Адъяасүрэн
- Холимог багт: 90 кг-д Ц.Ган-Эрдэнэ, +78 кг-д Д.Номинзул нар оролцоно.
-Үндэсний бөхийн барилдаанууд болно-
- Зургадугаар сарын 6-ны Баасан гаригт 11:00 цагаас Бүх цэргийн наадам, Зургаадугаар сарын 7-ны бямба гарагт 13:00 цагаас Монгол Улсын арслан Б.Яндааг алдаршуулах Хэнтий аймгийн Дархан сумын нутгийн зөвлөлөөс зохион байгуулах улс, аймаг, цэргийн цолтой хүчит 128 бөхийн барилдаан,
- Зургадугаар сарын 8-ны Ням гаригт 14:00 цагаас нийслэлийн “Аварга баг” шалгаруулах 3х3 багийн барилдаан,
- Зургадугаар сарын 12, 13-ны Пүрэв, Баасан гаригт 10:00 цагаас чөлөөт бөхийн “Арслан” клубын нэрэмжит “Залгамжлагч” өсвөр үеийн 9-14 насны хүүхдүүдийн тэмцээн,
- Зургадугаар сарын 14-ний Бямба гаригт 14:00 цагаас нийслэлийн “Аварга баг” шалгаруулах 3х3 багийн шигшээ барилдаан мөн чансаа өндөр шилдэг найман бөхөд хүндэтгэл үзүүлэх үйл ажиллагаа,
- Зургадугаар сарын 28-ны Бямба гаригт 14:00 цагаас нийслэлийн иргэдийн өдөрт зориулсан "Наадмын сорилго" үндэсний бөхийн улс, аймаг цэрэг, сумын цолтой хүчит 256 бөх, Буриад, Өвөр Монгол 64 бөхийн барилдаан тус тус болно.
-3х3 сагсан бөмбөгийн ДАШТ Улаанбаатарт болно-
Энэ сард Улаанбаатар хотод 3х3 сагсан бөмбөгийн хамгийн нэр хүндтэй тэмцээнүүд болно. Тухайлбал, зургаадугаар сарын 18-19-нд Дэлхийн эмэгтэйчүүдийн цуврал “FIBA 3x3 Women’s Series Ulaanbaatar 2025” тэмцээн, 20-21-нд эрэгтэйчүүдийн Дэлхийн Их Дуулга “FIBA 3x3 Ulaanbaatar World Tour” тэмцээн, мөн 23-29-нд 3х3 сагсан бөмбөгийн насанд хүрэгчдийн Дэлхийн аварга шалгаруулах тэмцээнийг зохион байгуулах аж.
Дэлхийн эмэгтэйчүүдийн цуврал “FIBA 3x3 Women’s Series Ulaanbaatar 2025” тэмцээнд чансаагаараа дэлхийд эхний 5-д эрэмбэтэй Герман, 7-д эрэмбэтэй Канад, Монгол Улсын “Улаанбаатар Амазонс” тэргүүтэй шилдэг 12 баг өрсөлдөнө.
Харин дэлхийн их дуулга "FIBA 3х3 Ulaanbaatar World Tour" тэмцээнд Сербийн Лиман, Байхраны Риффа, БНХАУ-ын Чонмин тэргүүтэй 12 баг оролцоно. Монгол Улсаас Улаанбаатар “ММС Энержи” болон Завхан “Сайнскор” багууд өрсөлдөх юм. Мөн 3х3 сагсан бөмбөгийн Дэлхийн аварга шалгаруулах тэмцээн Улаанбаатарт болно.
