Парисын олимпын наадмын алтан медальт Имане Хелифийн хувьд амжилт, сэтгэл гутралаар дүүрэн цаг үе ирж байна. Өнгөрсөн олимпын наадмын гол маргааны сэдэв нь түүний хүйсийн чиг баримжааны тухай байлаа. Саяхан Дэлхийн боксын холбоо эмэгтэй тамирчдыг хүйс тогтоох нарийн шинжилгээнд оруулах болсон тухайгаа мэдэгдсэн. Тэдний дунд Имане Хелифийн нэр ч байсан юм. Тэгвэл Дэлхийн боксын холбоо уг мэдэгдэлд түүний нэрийг дурдсан нь хувийн нууцад нь хүндэтгэлгүй хандсан хэрэг гэж үзээд энэ үйлдэлдээ уучлалт гуйжээ.
Олон улсын олимпын хорооноос түр хүлээн зөвшөөрсний дараа 2028 оны Олимпын боксын тэмцээнийг хянах дэлхийн байгууллага өнгөрсөн долоо хоногт Жендэрийн эрхийн маргааны улмаас Хелиф Парист алтан медаль авснаас хойш жил хүрэхгүй хугацааны дараа энэ тухай мэдэгдэв.
Тус мэдэгдэлд Алжирын боксын холбоонд Хелифийг шинжилгээ өгөх хүртэл "Дэлхийн боксын аль ч тэмцээнд эмэгтэйчүүдийн ангилалд оролцохгүй" гэсэн захидал илгээсэн гэж тусгайлан дурджээ.
Гэсэн хэдий ч дэлхийн боксын холбооны ерөнхийлөгч Борис ван дер Ворст Алжирын боксын холбооны ерөнхийлөгч Абделькадер Аббас руу биечлэн захидал бичиж, Хэлифийн нэрийг оруулсандаа уучлалт гуйсан гэж эх сурвалж мэдээлэв. Ван дер Ворст хэлэхдээ, "World Boxing" Хелифийн хувийн нууцыг хамгаалахын тулд илүү их хүчин чармайлт гаргах ёстой байсан гэв.
Өнгөрсөн долоо хоногт World Boxing-ийн мэдэгдэлд 18-аас дээш насны бүх тамирчид хамрын болон амны арчдас, шүлс, цусаар хийж болох ПГУ (полимеразын гинжин урвал) генетикийн шинжилгээнд хамрагдах ёстой гэж мэдэгджээ.
Л.Баяр
