Нэгэн жаран тэртээ Октябрийн район нэрээр түүхийн хуудсаа эхлүүлж байсан Баянгол дүүргийн түүхт 60 жилийн ой энэ онд тохиож байна. Анх 39,6 мянган га газар нутаг, 30 хороо, 12 мянган өрх, 63 мянга хүн амтай, тухайн үедээ хамгийн том районд тооцогдож байсан Баянгол дүүрэг нэгэн жарны дараа 34 хороо, 70 мянга гаруй өрх, 260 мянга гаруй хүн амтай, нийслэл хотынхоо томоохон дүүрэг болсон төдийгүй оршин суугчдынхаа тоогоороо Монгол Улсын нийт хүн амын 7,5 хувь, нийслэлийн хүн амын 15,5 хувь, хүн амынхаа тоогоор улсын хэмжээнд дөрөвдүгээрт эрэмбэлэгдсэн дүүрэг болсон байна.
Баянгол дүүрэг үүсэн байгуулагдсаны 60 жилийн ойн хүрээнд өнөөдөр дотоод гадаадын зочдыг оролцуулсан хүндэтгэдийн арга хэмжээ зохион байгууллаа. Энэ арга хэмжээнд 1992 оноос хойш дүүргийг удирдаж байсан эрхмүүдээс гадна, баянголчуудынхаа итгэлийг хүлээн УИХ-д сонгогдсон гишүүд, нийслэл, дүүргийн ИТХ-ын төлөөлөгчид мөн Баянгол дүүргээс төрсөн үе үеийн алдартнууд, төрийн албан хаагчдын төлөөлөл, 34 хорооны иргэд, оршин суугчид оролцлоо.
ХҮндэтгэлийн арга хэмжээний үеэр Нийслэлийн нийслэл хотын хөгжил дэвшил, бүтээн байгуулалт, хүн ардын эрүүл аюулгүй амьдрах нөхцөлийг бүрдүүлэхэд олон жил үр бүтээлтэй ажиллаж, үнэтэй хувь нэмэр оруулсан Баянгол дүүргийг нийслэлийн дээд шагнал болох "Хангарди" одонгоор шагналаа.