Дэлхийн шатрын холбооны ерөнхийлөгч Кирсан Илюмжинов Ливийн удирдагч Муамар Каддафи агсантай гэр бүлийн найзууд байснаа хэнээс ч нуудаггүй. Тэрээр Каддафийн том хүүтэй одоо ч холбоотой байгаа ажээ. Энэ талаар Илюмжинов "Известия" сонинд ярилцлага өгчээ.

-Кирсан Николаевич, та Мохаммед Каддафитай одоо ч холбоотой хэвээр байгаа хэрэг үү?

-Тийм ээ,бид холбоотой байгаа.

-Тэгвэл түүний байдал ямар байгааг хэлээд өгөхгүй юу. Их л зовж зүдэрч яваа гэх юм?

-Би түүнийг яг одоо аль улсад орогнож байгааг хэлж болохгүй байна. Үүнийг зөвөөр ойлгоорой.      Тэр олон орон дамжиж яваа гэдгийг л хэлж чадна. Мохаммед эх орныхоо талаар санаа зовниж буйгаа надад хэлдэг.

-Хамгийн сүүлд утсаар холбогдохдоо энэ талаар ярилцсан юм уу?

-Тийм ээ, Мохаммедын яриагаар бол Ливи улсад жинхэнэ хямрал нүүрлэжээ.Удахгүй иргэний дайн гарах нь нэгэнт тодорхой болчихсон юм байна. Ялангуяа барууныхан тус улсад байгаа цагт энхтайван тогтох ямар ч найдваргүй гэсэн. Түүний үг үнэн гэдэг нь Ливийг тойрсон үйл явдлууд харуулж байна. Би түүнийг сэтгэлзүйн хувьд дэмжиж байгаа.

-Тэр байнга залгадаг гэсэн үг үү?

-Мэдээж үгүй. Хааяа холбогддог юм.

-Тэр Ливийн шинэ эрх баригчдаас нуугдсаар байгаа хэрэг үү?

-Уг нь үгүй юм.Түр Засгийн газрынхан Мохаммедыг хаана байгааг мэдэж байгаа байлгүй дээ. Тэгээд ч тэрээр гэр бүлийн хамт яваа. Тэдэндээ гай болохыг хүсэхгүй байгаа нь ойлгомжтой. Мохаммед бол Лондоны Технологийн их сургуулийг дүүргэсэн, мэдлэг боловсрол сайтай залуу. Архи, тамхи огт хэрэглэдэггүй.

-Тэр ойрд ямар төлөвлөгөөтэй байгаа юм бол?

-Тэрээр юуны өмнө энэ их бэрхшээлтэй, хүнд хэцүү үеийг давж гарах хэрэгтэй байна. Эцгийг нь иргэд яаж хөнөөлөө, хүү нь үүнийг харахад ямар хэцүү байсан нь ойлгомжтой. Түүнд одоо жаахан хугацаа л хэрэгтэй байна.

-Юунд зориулсан хугацаа гэж. Нэг л ойлгож өгөхгүй байна?

-Хэрвээ сонгууль болбол тэрээр өөрийн нэр хүндийг ашиглаад хурлын гишүүн болж чадна. Магадгүй ерөнхийлөгч ч болж чадах байх.

- Мохаммед өөрийн ирээдүйг Ливитэй холбож байгаа юу?

-Тэгж байгаа. Гэхдээ Ливи аль нэг улсын хараат болчихгүй бол тэр шүү дээ.

-Төр Засгийн газрынхан түүнийг эрэн сурвалжлахгүй байна гэж үү?

-Каддафийн хүүхдүүдээс Мохаммед ард олондоо их нэр хүндтэй байсан юм. Хэрвээ сонгууль болбол тэр гарцаагүй ялна.

-Каддафийн хүүхдүүдийн талаар танд сонссон зүйл байна уу?

-Бид энэ талаар огт яриагүй. Магадгүй түүний утсыг барууны тагнуулын албад сонсч байж мэдэх юм. Тэд Каддафийн үр удмыг устгах нь ойлгомжтой шүү дээ. Үнэндээ одоо Мохаммед л улс орноо сүйрлээс аврагч болоод байна.

-Мохаммед Каддафи эцгийнхээ экс найз нарт дургүй болсон нь  ойлгомжтой? -Мэдээж шүү дээ.Найз нар нь нэг л өдөр нүүр буруулчихаж байгаа юм чинь. Ер нь барууны удирдагч нар найдваргүй гэдгээ харуулж байна шүү дээ.

Н.Энх

Дэлхийн шатрын холбооны ерөнхийлөгч Кирсан Илюмжинов Ливийн удирдагч Муамар Каддафи агсантай гэр бүлийн найзууд байснаа хэнээс ч нуудаггүй. Тэрээр Каддафийн том хүүтэй одоо ч холбоотой байгаа ажээ. Энэ талаар Илюмжинов "Известия" сонинд ярилцлага өгчээ.

-Кирсан Николаевич, та Мохаммед Каддафитай одоо ч холбоотой хэвээр байгаа хэрэг үү?

-Тийм ээ,бид холбоотой байгаа.

-Тэгвэл түүний байдал ямар байгааг хэлээд өгөхгүй юу. Их л зовж зүдэрч яваа гэх юм?

-Би түүнийг яг одоо аль улсад орогнож байгааг хэлж болохгүй байна. Үүнийг зөвөөр ойлгоорой.      Тэр олон орон дамжиж яваа гэдгийг л хэлж чадна. Мохаммед эх орныхоо талаар санаа зовниж буйгаа надад хэлдэг.

-Хамгийн сүүлд утсаар холбогдохдоо энэ талаар ярилцсан юм уу?

-Тийм ээ, Мохаммедын яриагаар бол Ливи улсад жинхэнэ хямрал нүүрлэжээ.Удахгүй иргэний дайн гарах нь нэгэнт тодорхой болчихсон юм байна. Ялангуяа барууныхан тус улсад байгаа цагт энхтайван тогтох ямар ч найдваргүй гэсэн. Түүний үг үнэн гэдэг нь Ливийг тойрсон үйл явдлууд харуулж байна. Би түүнийг сэтгэлзүйн хувьд дэмжиж байгаа.

-Тэр байнга залгадаг гэсэн үг үү?

-Мэдээж үгүй. Хааяа холбогддог юм.

-Тэр Ливийн шинэ эрх баригчдаас нуугдсаар байгаа хэрэг үү?

-Уг нь үгүй юм.Түр Засгийн газрынхан Мохаммедыг хаана байгааг мэдэж байгаа байлгүй дээ. Тэгээд ч тэрээр гэр бүлийн хамт яваа. Тэдэндээ гай болохыг хүсэхгүй байгаа нь ойлгомжтой. Мохаммед бол Лондоны Технологийн их сургуулийг дүүргэсэн, мэдлэг боловсрол сайтай залуу. Архи, тамхи огт хэрэглэдэггүй.

-Тэр ойрд ямар төлөвлөгөөтэй байгаа юм бол?

-Тэрээр юуны өмнө энэ их бэрхшээлтэй, хүнд хэцүү үеийг давж гарах хэрэгтэй байна. Эцгийг нь иргэд яаж хөнөөлөө, хүү нь үүнийг харахад ямар хэцүү байсан нь ойлгомжтой. Түүнд одоо жаахан хугацаа л хэрэгтэй байна.

-Юунд зориулсан хугацаа гэж. Нэг л ойлгож өгөхгүй байна?

-Хэрвээ сонгууль болбол тэрээр өөрийн нэр хүндийг ашиглаад хурлын гишүүн болж чадна. Магадгүй ерөнхийлөгч ч болж чадах байх.

- Мохаммед өөрийн ирээдүйг Ливитэй холбож байгаа юу?

-Тэгж байгаа. Гэхдээ Ливи аль нэг улсын хараат болчихгүй бол тэр шүү дээ.

-Төр Засгийн газрынхан түүнийг эрэн сурвалжлахгүй байна гэж үү?

-Каддафийн хүүхдүүдээс Мохаммед ард олондоо их нэр хүндтэй байсан юм. Хэрвээ сонгууль болбол тэр гарцаагүй ялна.

-Каддафийн хүүхдүүдийн талаар танд сонссон зүйл байна уу?

-Бид энэ талаар огт яриагүй. Магадгүй түүний утсыг барууны тагнуулын албад сонсч байж мэдэх юм. Тэд Каддафийн үр удмыг устгах нь ойлгомжтой шүү дээ. Үнэндээ одоо Мохаммед л улс орноо сүйрлээс аврагч болоод байна.

-Мохаммед Каддафи эцгийнхээ экс найз нарт дургүй болсон нь  ойлгомжтой? -Мэдээж шүү дээ.Найз нар нь нэг л өдөр нүүр буруулчихаж байгаа юм чинь. Ер нь барууны удирдагч нар найдваргүй гэдгээ харуулж байна шүү дээ.

Н.Энх