23 настай Аргентин эмэгтэй ихрийг нь хөнөөснөө хүлээн зөвшөөрсөн залуутай гэрлэсэн талаар “BBC” мэдээллээ. Виктор Кинголани гэх залуу Эдит Касасын ихэр Жонна Касасыг хөнөөгөөд зогсохгүй, хайртай хэмээн үерхэж байсан байна.

    23 настай Аргентин эмэгтэй ихрийг нь хөнөөснөө хүлээн зөвшөөрсөн залуутай гэрлэсэн талаар “BBC” мэдээллээ. Виктор Кинголани гэх залуу Эдит Касасын ихэр Жонна Касасыг хөнөөгөөд зогсохгүй, хайртай хэмээн үерхэж байсан байна.

    Ихрийг нь хөнөөсөн Виктор Кинголани 13 жилийн ял авсан бөгөөд шоронд хоёр дахь жилийнхээ ялыг эдэлж байгаа аж. Эдит Касас нөхөр болох хүнээ ихрийг нь хөнөөгөөгүй гэж итгэдэг байна.

    Хосууд өнөөдөр Санта Круз хотод хэвлэлийнхнээс далдуур хуримаа хийхээр төлөвлөжээ. Гол нь нөхрийгөө шоронгоос түр гаргах уу? эсвэл шоронд хуримаа хийх үү? гэдэг асуулт хэвээр үлджээ.

    Ихрүүдийн ээж Маркелина Дел Кармен Аргентины хэвлэлд “Миний охин Эдит Касасын энэ шийдвэр түүнийг сэтгэцийн өвчтэй юм шиг л санагдуулж байна” хэмээн ярьжээ. Харин түүний нөхөр Валентин Касас нь охинтойгоо дахиж уулзахгүй байхаар шийджээ.

    Сүйт бүсгүй 2010 оны долдугаар сард загвар өмсөгч ихэр дүүгээ нөхрийнхөө гарт алдсан байна.