Оюутан охиныг автобусанд явж байхад нь зургаан эрэгтэй хүчиндэж, зодож, дээрэмдсэн аймшигтай хэрэг Энэтхэгт гарч, арван мянга гаруй иргэн гадаа жагсахад хүрсэн билээ.

    Жагсагчид өнөөдөр улам ширүүсч, гэмт хэрэгтнүүдийг олж цаазаар авахыг шаардсан байна. Учир нь Энэтхэгийн цагдаагийн дарга энэ хэргийн талаар мэдээлэхдээ “Эмэгтэйчүүд хүчиндүүлэхгүй байхын тулд харанхуй болсон хойно гадуур явахаа больж, дайрсан хүний нүүр лүү цацах улаан чинжүү авч явах хэрэгтэй” хэмээн хэлсэн нь олны бухимдлыг дээд цэгт нь хүргэсэн байна. Жагссан иргэд цагдаагийн байгууллага хүчиндүүлбэл хохь нь хэмээн хэлж байна, гэмт хэрэгтнүүдийг өмгөөллөө, бидэнд шударга ёс хэрэгтэй, жинхэнэ эр хүн хүчинддэггүй гэх мэт уриа лоозон барьжээ.

23 настай хохирогч охины биеийн байдал тун муу, эмнэлэгт байгаа юм. Гэмт этгээдүүд хамт явсан эрэгтэй найзыг нь ч мөн босохгүй болтол зодсон тул эмнэлэгт хүргэгдсэн аж. Энэ хэрэгт сэжиглэн автобусны жолоочийг оролцуулан дөрвөн залууг сэжигтнээр баривчлаад байгаа юм.

Мөн лхагва гарагт Энэтхэгийн Бихар хотод 10 настай охиныг хүчиндээд, хөнөөсөн хээрг гарчээ. Энэ хотод сарын өмнө 14 настай охиныг дөрвөн залуу хүчиндэж, эмнэлэгт хүргэгдсэн хэрэг ч мөн гарч байсан байна.

Энэтхэгт хүчингийн хэрэг хамгийн олноор гардаг ч эрх баригчид төдийлөн ойшоож үздэггүй аж. Тиймээс Энэтхэгийн ард түмэн нийгмийн бузар үзэгдлийг эцэслэх ёстой хэмээн шийдсэн бололтой.