МАХН-ын дарга Н.Энхбаярыг өнөөдөр өглөө Зайсангийн дамжин өнгөрүүлэх хорих анги руу авч явсан. Түүнийг хорих руу авч явсныг ар гэрийнхэн болон өмгөөлөгч нар нь хууль бус болсон хэмээн үзэж буйгаа илэрхийлсээр байгаа юм. Харин ШШГЕГ-ын дарга Д.Ядамдорж бүх зүйл хуулийн дагуу болсон хэмээн мэдэгдсэн билээ. МАХН-ын дарга Н.Энхбаяр дөрвөн сар гаруйн хугацаанд Сайд нарын гэгдэх хоёрдугаар эмнэлэгт хэвтэн эмчлүүлсэн билээ. Учир нь тэрээр өнгөрсөн дөрөвдүгээр сарын 13-нд Төв аймгийн урьдчилан хорих төвд саатуулагдсанаас хойш 11 хоногийн турш хуурай өлсгөлөн зарласнаас хойш архаг хордолтод орсон юм.
Харин өнөөдөр Н.Энхбаярыг хорих руу авч явахдаа тариаг нь тасдуулан насилкаар авч явсан байна. Тиймээс намынхан нь хуулийнхны эл үйлдэлд маш их бухимджээ. Тэд "Н.Энхбаяр гэдэг хүн төрийн тэргүүн байсан хүн. Муу ч үгүй МУ-ын гуравдахь ерөнхийлөгч, МАХН-ын дарга хүн. Төрийн хамгаалалтад байгаа. Гэтэл энэ хүнийг ийнхүү хүнлэг бус аргаар авч явж болохгүй" хэмээн ихэд бухимдсан байна.
Гэхдээ Н.Энхбаяр ч хуулийнхны эл үйлдэлд эсэргүүцэл үзүүлэлгүй явсан бөгөөд харин тэрээр өлсгөлөн зарлах болсныг түүний эхнэр О.Цолмон мэдэгдсэн билээ.
Б.Чимэг
Сэтгэгдэл (20)