Дэлхий сөнөх өдөр алтан нар манддагаараа мандаж, жаргадагаара жаргалаа. Утаатай ч гэсэн Улаанбаатарт маань хүртэл түнэр харанхуй болохгүй, нар үзэгдэв. 21-р зуунд хүн төрөлхтнийг нийгмээр нь тэнэгтүүлсэн энэ өдөр ашгүй амар жимэр өнгөрсөн тул ойрын хэдэн зуундаа хэн нэгэн нь дэлхий сөнөх талаар ярихгүй хэмэн найдая. Харин дэлхий сөнөхөөс айж дэлхийн хүмүүс юу юу хийж балагаа тарьж, онигоонд орсон талаарх инээдтэй, ичмээр бас сургамжтай сурвалжлагыг хүргэе.

    Дэлхий сөнөх өдөр алтан нар манддагаараа мандаж, жаргадагаара жаргалаа. Утаатай ч гэсэн Улаанбаатарт маань хүртэл түнэр харанхуй болохгүй, нар үзэгдэв. 21-р зуунд хүн төрөлхтнийг нийгмээр нь тэнэгтүүлсэн энэ өдөр ашгүй амар жимэр өнгөрсөн тул ойрын хэдэн зуундаа хэн нэгэн нь дэлхий сөнөх талаар ярихгүй хэмэн найдая. Харин дэлхий сөнөхөөс айж дэлхийн хүмүүс юу юу хийж балагаа тарьж, онигоонд орсон талаарх инээдтэй, ичмээр бас сургамжтай сурвалжлагыг хүргэе.

Орост: Мянга гаруй хүн 1500 доллараар тасалбар авч шатав

Орост дэлхий сөнөх өдөр дарангуйлан удирдагч Сталины хоргодох байр үнэд оржээ. Түүний бариулж байсан хоргодох байранд орж амьд гарахын тулд нэг хүн 1500 доллар төлөх ёстой байв. Харин дэлхий сөнөхгүй бол 50 хувийг нь буцааж төлөх гэрээтэй байв. Газрын гадаргаас 65 метр гүнд орших хоргодо байрыг цөмийн бөмбөгдөлтөд ч төсвөртэй гэж үздэг аж. Харамсалтай нь Сталины байранд орох тасалбарыг 1000 гаруй хүн авчээ.

Флиппинд: 500 гаруй хүн ууланд гарч, нүглээ наминчлав

H-World  хэмээх шашны бүлгийн хэдэн зуун филиппинчууд 21-ний өдөр дэлхий сөнөнө гээд Суригао хотын ойролцоох уулын  оройд гарч, галав юүлэхийг хүлээж эхэлсэн гэнэ. Тэдний үзэж буйгаар мөхөл ирэх цагаар Суригао хотын ойролцоох уул хүмүүсийн хувьд аврал болох гэнэ. Уулын орой хавьд суурьшсан хүмүүсийн тоо одоо 500 орчим болоод байгаа бөгөөд тэд ногоо тарьж, тахиа, гахай үржүүлэн амьдрах болжээ. Тэд даяанч амьдралаар амьдран нүглээ наминчилж байгаа гэнэ.


Хятадад: Манай бүлэгт хамрагдвал сүйрлээс аврана гэж ухуулав

Дэлхий сөнөнө хэмээн цуу яриа 600 орчим хятад хүмүүсийг хорих болжээ. 1990 онд байгуулагдсан “Бурхан бүхнээс хүчтэй” гэх шашны бүлэг 2012 оны 12 сарын 21-нээс өмнө бүлгийн гишүүд болсон хүмүүс сүйрлийн өдөр аврагдана гэж амласан байна. Тэр мэдээгээ нийтэд хүргэхээр хэвлэмэл бүтээгдэхүүн тарааж, ухуулга хийжээ.


Энэтхэгт: Мөргөлийн хотод олон мянган хүн залбирал хийв

Энэтхэгийн мөргөлийн хот Варанасайд олон мянган хүн цугларч, дэлхийг сөнөөхгүй байхыг хүсч мөргөжээ. Мөгөрлчдийн ихэнх нь тус хотын оршин суугчид байсан ч нэлээдгүй олон хувь нь жуулчид байсан байна.

Италид: Унтахгүй

Италид хүмүүсийг унтахгүй байхыг уриалсан үдэшлэг зохиожээ. Хэрвээ та тэнд очсон бол пицца идэж, чанга хөгжим сонсно. Энэ нь таны нойрыг хүргэхгүй бөгөөд дэлхий сөнөхөөс өмнө хэлж чадаагүй үгсээ бусаддаа хэлэх ач холбогдолтой гэнэ.

Сербид: Эд зүйлээ зараад, уул руу зугтаав

Олон арван серби иргэн дэлхийн сүйрлээс зугтааж зүүн өмнөд хэсгийн Силжак уул руу зугтжээ. Уулыг амьд гарах боломж гэж үзсэн тэд хүнсээ нөөцлөхийн тулд үнэтэй коньякаа зарж байгааг та харж байна.

Британид: “Сүүлчийн зоог” үдэшлэг болов

Лондон хотын олон баар, цэнгээний газрууд “Сүүлчийн зоош” нэртэй үдэшлэг зохион байгуулжээ. Тэд дэлхий сүйрнэ хэмээн хүмүүсийг ятгаагүй гэр бүлтэйгээ сүүлийн өдрөө хамт зоог барихыг хүссэн олон зочны хөлд дарагдаж, ихээхэн ашиг олж байна.


    Францад: Үл үзэгдэх нисдэг биетээс зугтах эрэлтийн хязгаарлав

Францад дэлхий сөнөх өдрөөр үл үзэгдэх нисдэг биет, эсвэл харь гаргийн амьтан ирнэ гэжсэн явган яриа гарчээ. Тиймээс тэднээс зугтах хамгийн найдвартай арга бол “Bugarach”-ын оргилд хүрэх байжээ. Эрх баригчдын зүгээс энэ уул орших тосгонд ихээхэн ачаалал тохиолдохоос урьдчилан сэргийлж, тус бүс нутагт орохыг хоригложээ. Харин энэ шийдвэрийг эсэргүүцсэн олон хүмүүс хэвлэлийн бага хурал хүртэл хийсэн байна.

Майяачууд: Нарны эринг үдэв

Майяачууд дэлхий сөнөх өдөр урт хугацааны тав дахь нарны эринийг үдсэн байна. Яг энэ өдрөөр майягийн хуанли тасарсан байдаг учраас өөдрөг бус үзэлтнүүд түүнээс хойш дэлхийн мөхөл ирнэ гэсэн яриаг гаргасан байлаа. Майяагийн тахилчид ард олныг эв нэгдлийн төлөө бясалгал хийхийг нийтэд уриалав.